ورتالىق ازيا ەلدەرى استانالارىنىڭ جاڭا جىلدىق شىرشالارى قانداي؟
ورتالىق ازيا ەلدەرى استانالارىنىڭ ورتالىق الاڭدارىنا ءسان بەرىپ تۇرعان جاڭا جىلدىق شىرشالار قانداي؟ Kazinform بۇل تۋرالى كابار اگەنتتىگىنە سىلتەمە جاساپ باياندايدى.
استانا
قازاقستاننىڭ باس شىرشاسى 17-جەلتوقساندا جاعىلدى. ول استاناداعى ەكسپو حالىقارالىق كورمە ورتالىعىنىڭ اۋماعىندا ورنالاسقان. بيىكتىگى - 25 مەتر.
باس شىرشانى جاعۋ كەزىندە ەلوردا تۇرعىندارى مەن قوناقتارى ءۇشىن كونسەرت، جاڭا جىلدىق جارمەڭكە، مۇز ايدىنى، لابيرينت، فۋد- كورت، تاقىرىپتىق فوتوايماقتار جانە ت. ب. ۇيىمداستىرىلدى. شاراعا بەس مىڭعا جۋىق ادام قاتىستى.
اشحاباد
تۇركىمەنستان استاناسىندا 15-جەلتوقساندا «الەم» مادەني- ويىن- ساۋىق ورتالىعىنىڭ الاڭىندا ورناتىلعان جاسىل شىرشانى جاعۋ ءراسىمى ءوتتى. شىرشانىڭ بيىكتىگى - 44 مەتر، ال ديامەترى - 16 مەتر. ول سىبىردەن اكەلىنگەن تابيعي شىرشا بۇتاقتارىنان جاسالىپ، 4 مىڭ ويىنشىق جانە 55 مىڭ جارىق ديودتى شامدارمەن بەزەندىرىلدى.
شىرشانىڭ جوعارعى جاعىندا «2024» دەگەن جازۋى بار سەگىز قىرلى جۇلدىز ورنالاسقان. ول تۇركىمەن ۇلتتىق كۇنتىزبەسى بويىنشا كەلەر جىلدىڭ نىشانى - جۇزەتىن بالىقتاردى بەينەلەيتىن مونيتورلارمەن قورشالعان.
بىشكەك
بىشكەكتە 15-جەلتوقساندا ەلدىڭ باس شىرشاسىنىڭ شامى جاعىلدى. ءداستۇر بويىنشا ول الا- توو الاڭىندا ورناتىلدى. بيىكتىگى - 32 مەتر، ديامەترى - 12 مەتر.
شارا قوناقتارى ءۇشىن وتاندىق ەسترادا انشىلەرىنىڭ قاتىسۋىمەن كونسەرت ۇيىمداستىرىلدى. شىرشا 32 مەترلىك جارىق ديودتى گيرلياندالارمەن جوعارىدان تومەنگە دەيىن شەڭبەر بويىمەن بەزەندىرىلگەن.
دۋشانبە
دۋشانبەدە جاڭا جىلدىڭ باستى اتريبۋتى تاۋەلسىزدىك الاڭىنا ورناتىلدى. بيىل ونىڭ بيىكتىگى - 30 مەترگە، ديامەترى 16 مەترگە جەتەدى.
جاڭا جىل قارساڭىندا مەرەكەلىك كونسەرت قويىلىپ، وتشاشۋ بولادى.
تاشكەنت
باس شىرشا جىلداعى ءداستۇر بويىنشا وزبەكستان ۇلتتىق كىتاپحاناسىنىڭ الدىنا ورناتىلدى. ونىڭ بيىكتىگى - 35 مەتر.
بۇل جەردە مەرەكەلىك شارالار 28-جەلتوقسان مەن 8-قاڭتار ارالىعىندا ساعات 11:00 دەن 23:00 گە دەيىن وتەدى.
اۆتور
ەركەجان سماعۇلوۆا
