پورتۋگاليادا اۆياشوۋدا ەكى ۇشاق سوقتىعىستى
استانا. KAZINFORM - پورتۋگاليانىڭ بەجا قالاسىنداعى اۋە شوۋىندا مانەۆر جاساۋ كەزىندە ەكى ۇشاق سوقتىعىسىپ، ۇشقىشتىڭ بىرەۋى قازا تاپتى، ەكىنشىسى جاراقات الدى، دەپ حابارلايدى observador.pt.
قايتىس بولعان ۇشقىش - يسپانيا ازاماتى، جاراقات العانى - پورتۋگاليالىق.
Beja AirShow 1-2 ماۋسىمدا ءوتتى.
«اۋە اپاتى جان-جاقتى تەكسەرىلەدى» دەپ ۋادە بەردى شارانى ۇيىمداستىرۋشىلار. الەۋمەتتىك جەلىدە اۋەدەگى وقيعانىڭ ۆيدەوسى تارادى.
Beja Air Show accident 😨😞 DEP pic.twitter.com/4WrRfoLCeO
— Don Expensive 🇪🇦 ✞ 🐸 (@kar0____) June 2, 2024
كادردان ءبىر ۇشاقتىڭ توپتان ءبولىنىپ شىعىپ، كۇرت كوتەرىلە باستاعانىن جانە سونىڭ سالدارىنان باسقا ۇشاقتى بارىپ سوققانىن كورۋگە بولادى.
وسىدان كەيىن الگى ۇشاق جەرگە قۇلاپ، ءورت شىققان. سوققى العان ەكىنشى ۇشاق تەز تومەندەي باستاعانىمەن جەرگە امان قونۋعا مۇمكىندىك الدى.
Novas imagens mostram o momento da colisão entre os dois aviões no Beja Air Show. pic.twitter.com/QRakrR0O0E
— Mundo Vivo (@mundo__vivo) June 2, 2024
اۆتور
جانات قاپالبايەۆا
