ورتاشا جىلدامدىق ايىپپۇلىن سالماس ءۇشىن نە ىستەۋ كەرەك؟

قازاقستاندا جاڭا زاڭ اياسىندا جۇرگىزۋشىلەر ورتاشا جىلدامدىقتى اسىرعانى ءۇشىن ايىپپۇل ارقالايتىن بولىپ شەشىلگەن-دى. الايدا كەيبىر جۇرگىزۋشىلەر بۇل ەرەجەنى اينالىپ ءوتۋ جولدارىن ىزدەپ، الەۋمەتتىك جەلىلەردە وزدەرىنىڭ «لايفحاكتارىن» بولىسۋدە.

ءبىراق پوليتسيا بۇل ارەكەتتەردىڭ ءتيىمدى ەمەستىگىن ەسكەرتەدى، - دەپ حابارلايدى Tengri Auto.

4-جەلتوقساننان باستاپ قازاقستاندا جاڭا زاڭ كۇشىنە ەندى، وعان سايكەس جۇرگىزۋشىلەرگە ورتاشا جىلدامدىقتى اسىرعانى ءۇشىن ايىپپۇل سالىناتىن بولادى. الايدا كەيبىر قازاقستاندىقتار بۇل زاڭنان قالاي اينالىپ وتۋگە بولاتىنىن الەۋمەتتىك جەلىلەردە جار سالا كورسەتىپ ءجۇر. دەگەنمەن ول «لايفحاكتار» ءىس جۇزىندە جۇمىس جاساي ما؟

ەستەرىڭىزگە سالا كەتەيىك، ورتاشا جىلدامدىق - بۇل كولىك قۇرالىنىڭ بەلگىلى ءبىر جول ۋچاسكەسىن ءوتۋ ءۇشىن كەتكەن ۋاقىت پەن اراقاشىقتىقتىڭ اراقاتىناسى. ياعني جۇرگىزۋشى ا پۋنكتىنەن ب پۋنكتىنە دەيىن بەلگىلەنگەن ۋاقىت ىشىندە جەتۋى كەرەك، ءسال كەشىگۋگە بولادى، ءبىراق ۋاقىتىنان بۇرىن جەتپەۋى ءتيىس.

الايدا بۇل جاڭاشىلدىقتى اينالىپ وتەمىز دەۋشىلەر كوبەيدى. جۇرگىزۋشىلەر الەۋمەتتىك جەلىلەردە جولدى بەلگىلەنگەن ۋاقىتتان تەزىرەك ءجۇرىپ ءوتىپ، ايىپپۇل الماۋ ءۇشىن باقىلاۋ اركاسىنا دەيىن جەتپەي، جولدىڭ شەتىندە ۇزاق ۋاقىت كۇتىپ وتىرادى ەكەن.

دەسە دە، اكىمشىلىك پوليتسيا كوميتەتى بۇل ءادىس ناتيجە بەرمەيتىنىن جەتكىزدى.

«جۇيە جولدىڭ ءار بولىگىندە جىلدامدىقتى باقىلايدى. مىسالى، استانا- شۋچينسك تراسساسىنىڭ ۇزىندىعى 239 ك م، ونى ءوتۋ ءۇشىن شامامەن 2,5 ساعات قاجەت. جولدىڭ ءار بولىگىندە 50-70 ك م سايىن باقىلاۋ اركالارى ورناتىلعان جانە جۇرگىزۋشىنىڭ وسى ارالىقتار اراسىنداعى ۋاقىتىن دا تىركەيدى»، - دەلىنگەن مالىمدەمەدە.

وسىلايشا، جىلدامدىقتى بارلىق ۋچاسكەلەردە اسىرىپ، سوڭعى اركا الدىندا كۇتىپ تۇرۋ ءسىزدى ايىپپۇلدان ادا ەتپەيدى. سەبەبى جۇيە ءاربىر ارالىقتا جىلدامدىقتى باقىلاپ وتىرادى.

جالپى العاندا، تەك ورتاشا جىلدامدىقتى ساقتاپ ءجۇرۋ قاجەت، بۇل جاعدايدا ايىپپۇلدان قۇتىلۋعا بولادى.