ورمان ورتىنە بايلانىستى 6 مىڭنان استام ادام ەۆاكۋاتسيالانۋدا
استانا. KAZINFORM - كانادانىڭ ۆۋد-باففالو مۋنيتسيپاليتەتىنىڭ مىڭداعان تۇرعىندارى ايماقتى شارپىعان ورمان ورتتەرىنە بايلانىستى ەۆاكۋاتسيالانۋدا، دەپ حابارلايدى انادولى.
CBC News- ءتىڭ حابارلاۋىنشا، فورت-ماكميۋررەي ايماعىنداعى ورتتەردەن كەيىن ايماقتا «جەرگىلىكتى توتەنشە جاعداي» جاريالانعان.
اتاپ ايتقاندا، ۆۋد-باففالو مۋنيتسيپاليتەتى ورمان ورتتەرى اۋماعى شامامەن 21 مىڭ گەكتارعا جەتىپ، ءورت ەلدى مەكەندەرگە جاقىنداعاننان كەيىن فورت-ماكميۋررەي، بيكون حيلل، اباساند، پرەيري-كريك جانە گرەيلينگ-تەرراس سياقتى اۋماقتاردى ەۆاكۋاتسيالاۋعا بۇيرىق بەرىلگەن.
ايماقتىق ءورت ءسوندىرۋ ءبولىمىنىڭ باستىعى دجودي بۋتس جۋرناليستەرگە ەۆاكۋاتسيالاۋ شەشىمى شامامەن 6000 ادامعا اسەر ەتەتىنىن ايتتى. بۋتس ورمان ورتىمەن كۇرەسۋ ءۇشىن رەسۋرستار جەتكىلىكتى ەكەنىن، دەگەنمەن ايماق تۇرعىندارىن قاۋىپتەن قورعاۋ ماقساتىندا ەۆاكۋاتسيالاۋ كەرەكتىگىن اتاپ ءوتتى.
