«ورداباسى» فۋتبول كلۋبىنىڭ باس باپكەرى تاعايىندالدى
استانا. KAZINFORM — مولدوۆالىق مامان اندرەي مارتين «ورداباسى» فۋتبول كلۋبىنىڭ باس باپكەرى قىزمەتىنە كەلدى.
قازىرگە دەيىن باپكەر سول ەلدىڭ «پەتروكۋب» كومانداسىندا تىزگىنىن ۇستادى. 2023/2024-جىلعى ماۋسىمدا اتالعان ۇجىممەن مولدوۆا چەمپيوناتى مەن مولدوۆا كۋبوگىن جەڭىپ الدى. كوماندا ۋەفا كونفەرەنتسيالار ليگاسىنىڭ توپتىق كەزەڭىندە ويىن كورسەتتى.
مولدوۆالىق مامان 1974-جىلدىڭ 27-ماۋسىمىندا دۇنيەگە كەلدى. فۋتبولشىلىق مانسابىندا قورعاۋشى، جارتىلاي قورعاۋشى شەبىندە ويىن كورسەتكەن.
2008-جىلدان بەرى باپكەرلىك قىزمەتپەن اينالىسادى. ەكى جىل بۇرىن «پەتروكۋب» كلۋبىنىڭ تىزگىنىن ۇستادى.
ايتا كەتسەك، بۇدان بۇرىن قازاقستاندىق مامان كيريلل كەكەر شىمكەنتتىك «ورداباسى» كومانداسىنىڭ باس باپكەرى قىزمەتىنەن كەتتى.
ك. كەكەر بۇل قىزمەتكە بيىلعى جىلدىڭ تامىز ايىندا كەلگەن ەدى.
كوماندا ەل بىرىنشىلىگىندە ءتورتىنشى ورىندى مىسە تۇتتى. وسىعان بايلانىستى شىمكەنتتىك ۇجىم ساپىنان كوپتەگەن ويىنشىلار باسقا كوماندالارعا اۋىستى.
