ورازا ايت مەرەكەسىندە قازاقستانعا ساياحاتتاعىسى كەلەتىندەردىڭ اراسىندا ب ا ءا تۋريستەرى كوبىرەك نيەت تانىتقان
استانا. KAZINFORM - قاسيەتتى رامازان ايى كەلىپ، ورازا ايت جاقىنداعان سايىن Skyscanner عالامدىق اۋە ساياحاتى بويىنشا ىزدەۋ جۇيەسىنىڭ دەرەكتەرى ب ا ءا تۇرعىندارى ءۇشىن قازاقستاننىڭ ەڭ تانىمال ساياحات باعىتىنا اينالعانىن كورسەتتى. بۇل تۋرالى «Kazakh Tourism» ۇ ك» ا ق باسپاءسوز قىزمەتى ءمالىم ەتتى.
«Skyscanner مالىمەتى بويىنشا، ب ا ءا تۇرعىندارى ەڭ قولايلى ۇشۋ كۇنى رەتىندە 2024 -جىلدىڭ 2- ءساۋىرىن تاڭداعان. ساۋالناماعا قاتىسقان ساياحاتشىلاردىڭ جارتىسىنان كوبى %51 ءبىر اپتاعا نەمەسە ودان از ۋاقىتقا ساپارلاردى برونداۋدى قالايدى. قازاقستانعا دەگەن قىزىعۋشىلىقتىڭ %195 عا ءوسۋى باسقا تانىمال باعىتتارعا قاراعاندا ايتارلىقتاي جوعارى كورسەتكىش»- دەلىنگەن حابارلامادا.
دەمالىس ءۇشىن تاڭدالعان ەلدەردىڭ تولىق ءتىزىمى كەلەسىدەي كورسەتىلىپ، ءساۋىر ايىنداعى رەيستەردى ىزدەۋدىڭ جىل سايىن ارتقانى بايقالادى.
• قازاقستان: %195
• سەيشەل ارالدارى:%115
• كيپر: %99
• جاپونيا: %90
• ۆەتنام: %81
• ومان: %78
• شۆەيتساريا: %56
• كەنيا: %53
• ماۆريكي: %52
• گرەكيا: %49
Skyscanner ساياحات ساراپشىسى ايۋب ەل مامۋن ب ا ءا تۇرعىندارىنىڭ قازاقستاندى تاڭداۋى ورازا ايت مەيرامىندا مادەني جانە بايىپتى ساياحاتقا دەگەن ۇمتىلىسپەن بايلانىستى ەكەنىن جانە دە بۇل قازاقستانداعى ءتۋريزمنىڭ ءتيىمدى دامىپ وتىرعانىن كورسەتەتىنىن اتاپ ءوتتى.
«Kazakh Tourism» ۇ ك» ا ق eQonaq جۇيەسىنىڭ دەرەكتەرى ءباا تۋريستەرىنىڭ قازاقستانعا دەگەن قىزىعۋشىلىعىنىڭ ارتىپ كەلە جاتقانىن راستايدى، بۇل كەلۋشىلەر سانىنىڭ 2022 -جىلى 2963 تۋريستتەن 2023 -جىلى 6051 تۋريستكە دەيىن ەكى ەسەگە ارتقانىن كورسەتەدى. ب ا ءا تۋريستەرىنىڭ قازاقستانداعى نەگىزگى باعىتتارىنىڭ ىشىندە الماتى، استانا قالالارى جانە الماتى وبلىسى ەرەكشە كوزگە تۇسەدى» - دەپ حابارلادى «Kazakh Tourism» ۇ ك» ا ق باسپاءسوز قىزمەتى.
بىرىككەن اراب امىرلىكتەرى تۇرعىندارى ءۇشىن تۋريستىك باعىت رەتىندە قازاقستان تانىمالدىلىعىنىڭ ارتۋى تابيعي سۇلۋلىق، مادەني بايلىقتىڭ بىرەگەي ۇيلەسىمى مەن ەلدىڭ حالىقارالىق تۋريزمدەگى ەلەۋلى الەۋەتىن كورسەتەدى. ويتكەنى، ەلىمىزدىڭ تابيعاتى مەن مادەني قورى جىل وتكەن سايىن شەتەلدىك تۋريستەر اراسىندا بۇرىن- سوڭدى بولماعان قىزىعۋشىلىق تۋدىرىپ كەلەدى. اسەم تاۋلار، كولدەر مەن وزەندەردىڭ تاڭعاجايىپ پەيزاجدارى، رۋحاني تۋريستىك ورىندار مەن دالا حالقىنىڭ شىنايى جانە زاماناۋي داستۇرلەرىنىڭ تاندەمى تانىمالدىقتىڭ ارتۋىنا قوزعاۋشى كۇشكە اينالىپ وتىر.
