ورازا ايت كۇنىنە وراي اقىلى جولدار تەگىن بولادى - شەتەلدەگى قازاق باسپا ءسوزى
Kazinform ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
وزبەكستاننان قازاقستانعا 1,2 ميلليون ا ق ش دوللارىن جاسىرىن الىپ وتپەك بولعاندار ۇستالدى - ءوز ا
وزبەكستاننىڭ مەملەكەتتىك قاۋىپسىزدىك قىزمەتى مەن كەدەن ورگاندارى بىرلەسىپ جۇرگىزگەن جەدەل ءىس- شارا بارىسىندا تاشكەنت وبلىسى تاشكەنت اۋدانى اۋماعىنداعى «ناۋاي» شەكارا- كەدەن بەكەتىندە كورشى مەملەكەتكە قاراي بەت العان Lacetti كولىگى توقتاتىلىپ، كۋاگەرلەردىڭ قاتىسۋىمەن تەكسەرىلگەن.
كولىك جولاۋشىسى رەتىندە بارا جاتقان، تاشكەنت اۋدانىندا تۇراتىن، 1978 -جىلى تۋعان ازاماتتىڭ قولىنداعى پاكەتىنەن 874 مىڭ ا ق ش دوللارى تابىلعان. بۇل تۋرالى وسى اپتادا «ءوز ا» اقپارات اگەنتتىگى حابارلاعان بولاتىن.
حابارلامادا ايتىلۋىنشا، تەكسەرۋ ناتيجەسىندە، ازامات بۇل ءىرى كولەمدەگى ۆاليۋتانى دەكلاراتسياسىز، كەدەندىك باقىلاۋدان جاسىرىپ، قازاقستانعا الىپ وتپەك بولعانى انىقتالدى.
سونداي-اق جەدەل شارا بارىسىندا تەرگەۋ جالعاسىپ، تاشكەنت قالاسىنداعى بازارلاردا ساۋدامەن اينالىساتىن ازاماتتاردان شەتەل ۆاليۋتاسىن جيناپ، اتالعان ايەلگە تابىستاعان - تاشكەنت قالاسىنىڭ تۇرعىنى، 1989 -جىلى تۋعان ازاماتتىڭ تاشكەنت اۋدانىنداعى ۋاقىتشا تۇرىپ جاتقان ءۇيى تەكسەرىلگەن.
ناتيجەسىندە، الداعى ۋاقىتتا قازاقستانعا الىپ ءوتۋ ءۇشىن دايىندالعان تاعى 399170 ا ق ش دوللارى تابىلعان.
جالپى 1 ميلليون 273 مىڭ 170 ا ق ش دوللارى زاتتاي ايعاق رەتىندە تاركىلەنگەن.
الەمدەگى العاشقى تەڭىز استىنداعى جوعارى جىلدامدىقتى تەمىرجول تۋننەلى ىسكە قوسىلدى - حالىق گازەتى
قىتايدا جىلدامدىعى ساعاتىنا 350 شاقىرىمدى قۇرايتىن الەمدەگى العاشقى جوعارى جىلدامدىقتاعى تەڭىز استى تەمىرجول تۋننەلى ءساتتى اياقتالدى. بۇل تۋرالى «حالىق گازەتى» حابارلادى.
قىتايلىق ب ا ق-تىڭ مالىمەتىنشە، شانتوۋ-شانۆەي جوعارى جىلدامدىقتى تەمىرجولىنىڭ شانتوۋ شىعاناعىنداعى قوس جولاقتى سۋ استى تۋننەلىنىڭ جالپى ۇزىندىعى - 9781 مەتر، ال ەڭ تەرەڭ بولىگى تەڭىز دەڭگەيىنەن 98,5 مەتر تومەندە ورنالاسقان.
شانتوۋ-شانۆەي جوعارى جىلدامدىقتى تەمىرجولى تولىقتاي پايدالانۋعا بەرىلگەننەن كەيىن، ول كوپتەگەن جوعارى جىلدامدىقتى تەمىرجولدارمەن بىرگە قىتايدىڭ وڭتۇستىك- شىعىس جاعالاۋىنداعى جوعارى جىلدامدىقتى تەمىرجول دالىزىنە اينالادى.
جول گۋاڭدۋڭ، فۋجيان جانە جىجياڭ ولكەلەرىنىڭ 15 قالاسىن بايلانىستىرادى.
يران ءوزىنىڭ عارىش باعدارلاماسىندا قانداي جاڭا رەكوردتار ورناتتى - Parstoday
يران عارىش ۇيىمىنىڭ باسشىسى حيجرانىڭ 1403 -جىلى(2025 -جىلى) جاڭا عارىش رەكوردتارىنىڭ ورناتىلۋىنا توقتالىپ، وتكەن جىلى وربيتاعا بەس سپۋتنيك پەن ءبىر زەرتتەۋ جۇك ءساتتى شىعارىلعانىن ايتقان. بۇل تۋرالى وسى اپتادا Parstoday اقپارات اگەنتتىگى حابارلادى.
اتالعان اقپارات اگەنتتىگىنىڭ مالىمەتى بويىنشا، يران عارىش ۇيىمىنىڭ باسشىسى حاسان سالاريە مەحر اقپارات اگەنتتىگىنە بەرگەن سۇحباتىندا وتكەن جىلى 3 جەرسەرىكتى ۇشىرۋدا 6 عارىشتىق جۇكتىڭ وربيتاعا ورنالاستىرىلعانىن جاريالاعان.
ونىڭ ايتۋىنشا، 1403 -جىلى(2025 -جىلى) «چامران»، «كاۋسار»، «حودحود» سپۋتنيكتەرى، وربيتالىق تاسىمالداۋ بلوگى، «فاحر» جانە زەرتتەۋ جۇكتەرى جىبەرىلگەن.
يراننىڭ عارىش ۇيىمىنىڭ باسشىسى بيىلعى جىلى يراننىڭ عارىش سالاسىنىڭ ەڭ ماڭىزدى جەتىستىكتەرى مەن تابىستارى تۋرالى ايتقان.
ونىڭ كەلتىرگەن مالىمەتتەرىنە سۇيەنسەك، يران عارىش ونەركاسىبىندە ينفراقۇرىلىم سالاسىندا ايتارلىقتاي ىلگەرىلەۋشىلىككە قول جەتكىزگەن، وسىلايشا چاباحار عارىش بازاسى قازىرگى ۋاقىتتا 80 پايىزدان استام فيزيكالىق ىلگەرىلەۋگە جەتتى جانە وسى بازانىڭ ءبىرىنشى كەزەڭى كەلەسى جىلى رەسمي تۇردە اشىلادى دەپ كۇتىلىپ وتىر.
يراندىق ب ا ق-تىڭ دەرەگىنشە، 300 كەلى ماسسانى وربيتاعا شىعارۋ يراننىڭ عارىش سالاسى ءۇشىن رەكوردتىق كورسەتكىش بولىپ تابىلادى
- سالاريە بىلاي دەپ قوستى: «سيمۋرع» سپۋتنيكتىك تاسىمالداۋشىسىنا قاتىستى وربيتاعا شامامەن 300 كەلى ماسسا ورنالاستىرىلدى، بۇل يراننىڭ عارىش سالاسى ءۇشىن رەكوردتىق كورسەتكىش. سونداي- اق يراننىڭ عارىشتىق زەرتتەۋلەر ينستيتۋتى سالعان «سامان 1» وربيتالىق تاسىمالداۋ بلوگى وربيتاعا ءساتتى ەنگىزىلىپ، ونىڭ كوپتەگەن ىشكى جۇيەلەرى العاش رەت وربيتادا ءساتتى سىناقتان ءوتتى، - دەپ جازدى ParsToday.
ورازا ايت كۇنى اقىلى جولدار تەگىن بولادى - جەنمين جيباو
ورازا ايت كۇنى شينجاڭداعى شاعىن جولاۋشىلار اۆتوكولىگىنە دەيىنگى بارلىق جەڭىل اۆتوكولىكتەردەن اقىلى جولداردا تولىقتاي جەڭىلدىك جاسالادى. بۇل تۋرالى قىتايدىڭ جەنمين جيباو اقپاراتتىق پورتالى حابارلادى.
شينجاڭ ۇيعىر اۆتونوميالى ولكەلىك حالىق ۇكىمەتىنىڭ رەسمي سايتى جاريالاعان 2025 -جىلعى مەرەكە، مەيرام كۇندەرىندەگى دەمالىس مالىمدەمەسىنە نەگىزدەلسەك، كەلەسى كەلەتىن زاڭدا بەلگىلەنگەن مەرەكە كۇنى رەتىندە ورازا ايت مەرەكەسى (31-ناۋرىز كۇنى) بولىپ، 29-ناۋرىزدان (سەنبى) 31-ناۋرىز كۇنىنە (دۇيسەنبى) دەيىن جالپى 3 كۇن دەمالىس بەرىلەدى.
شينجاڭ قاتىناس-تاسىمال قارجى قوسۋ توبى ۆيچات الەۋمەتتىك جەلىسىندە جاريالاعان ورازا ايتتا ساپارعا شىعۋعا قىزمەت وتەۋ باعدارلاماسىنا نەگىزدەلگەندە، ورازا ايت مەرەكەسى كۇنى شينجاڭدا اقى الىناتىن جولدا 7 ادامدىقتان تومەن (7 ادامدىقتى قامتيدى) شاعىن جولاۋشىلار اۆتوكولىگىنەن اقى الىنبايدى. اقىلى جولدارداعى جەڭىلدىك ۋاقىتى 31-ناۋرىز كۇنى ساعات 00:00-دەن سول كۇنگى ساعات 24:00 كە دەيىن بولادى.
ايتا كەتەيىك، قىتايدا ورازا ايت مەرەكەسى 31-ناۋرىز اتاپ وتىلەدى.
ورازا ايت پەن چيڭميڭ مەرەكەسىندە جولاۋشىلار پويىزى كوبەيەدى - CNR
ورازا ايت پەن چيڭميڭ مەرەكەسى دەمالىسىنا تاياپ قالدى. مۇنىڭ ىشىندە ورازا ايت دەمالىسىندا تەمىر جولدىڭ مەرەكە دەمالىسى كەزىندەگى تاسىمال ۋاقىتى 28-ناۋرىزدان 1-ءساۋىر كۇنىنە دەيىن جيىنى 5 كۇن بولىپ، شامامەن 632 مىڭ ادام جولاۋشى تاسىمالدانادى. بۇل تۋرالى قىتايدىڭ «ورتالىق حالىق راديوسى» اقپارات اگەنتتىگى حابارلادى.
اتالعان ب ا ق-تىڭ كەلتىرگەن دەرەگىنە سۇيەنسەك، سونىمەن قاتار قىتايدىڭ چيڭميڭ مەرەكەسى دەمالىسىندا تەمىر جولدىڭ مەرەكە دەمالىسى كەزىندەگى تاسىمال ۋاقىتى 3-ساۋىردەن 7-ءساۋىر كۇنىنە دەيىن جيىنى 5 كۇن بولادى. وسى ۋاقىتتا شامامەن 761 مىڭ 100 جولاۋشى جونەلتىلىپ، بىلتىرعى وسى مەرەكەدەگى ۋاقىتپەن سالىستىرعان %4.9 عا ارتادى. سوندىقتان شينجاڭ تەمىر جول سالاسىنىڭ ماماندارى ۋاقىتتىق جولاۋشىلار پويىزىنان 297 كەزەكشى پويىزدى كوبەيتىپ، جولاۋشىلاردىڭ دەمالىس كەزىندەگى ساپار قاجەتىن تولىق قاناعاتتاندىرۋدى جوسپارلاپ وتىر.
تۇركيانىڭ «كىتاپ اۋرۋحاناسى»: سيرەك قولجازبالار قايتا جاڭعىرتىلىپ وتىر - TRT
ستامبۋلداعى تاريحي رامي كىتاپحاناسىنىڭ «شيفاحانا» بولىمىندە ماماندار عاسىرلار بويى ساقتالىپ كەلگەن سيرەك قولجازبالاردى مۇقيات قالپىنا كەلتىرىپ، بۇل باعا جەتپەس جادىگەرلەرگە جاڭا ءومىر سىيلاپ جاتىر. بۇل تۋرالى وسى اپتادا تۇركيا راديو تەلەۆيزيا پورتالى حابارلادى.
«TRT»-نىڭ دەرەگىنشە، XVIII عاسىردان قالعان بۇرىن اسكەري كازارما رەتىندە پايدالانىلعان تاريحي عيماراتتا ورنالاسقان رامي كىتاپحاناسى 2023 -جىلى اشىلدى.
كىتاپحانا قۇرامىنداعى «شيفاحانا» اتتى رەستاۆراتسيا ورتالىعى تۇركيا جازبا جادىگەرلەر مەكەمەسىنە قاراستى جۇمىس ىستەيدى.
«كىتاپ اۋرۋحاناسى» دەپ تە اتالاتىن شيفاحانادا وسمانلى تۇرىكشەسى، اراب، پارسى، يۆريت جانە ورىس تىلدەرىندە جازىلعان مىڭجىلدىق تاريحى بار سيرەك قولجازبالار قالپىنا كەلتىرىلەدى.
سونىمەن قاتار ليۆان سياقتى ەلدەردەن دە رەستاۆراتسياعا ارنالعان شىعارمالار قابىلدانادى.
شيفاحانانىڭ جەتەكشىسى دوكتور نيل بايداردىڭ ايتۋىنشا، قالپىنا كەلتىرۋ پروتسەسى حيرۋرگيالىق وپەراتسياعا ۇقسايدى. قولجازبانىڭ ساۋلىعى - باستى ماسەلە. سوندىقتان ەڭبەكتەرگە زيان كەلتىرمەي، حالىقارالىق ستاندارتتارعا ساي جۇمىس ىستەلەدى.
اۆتور
بەيسەن سۇلتان
