ورالدا ستۋدەنت قىز سەگىزىنشى قاباتتان سەكىرىپ كەتكەن

ورالدا ستۋدەنت قىز سەگىزىنشى قاباتتان سەكىرىپ كەتكەن، دەپ حابارلايدى Kazinform.

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 21- قازان كۇنى بولدى.

«ساعات 13.20 شاماسىندا 1-كۋرستا وقيتىن 17 جاسار قىز جاتاقحانانىڭ 8-قاباتىنان سەكىرىپ كەتكەن. سالدارىنان اۋىر جاراقات العان ستۋدەنت ورال قالاسىنداعى وبلىستىق كوپبەيىندى اۋرۋحاناعا جاتقىزىلدى. اتالعان دەرەك بويىنشا ورال قالاسى پوليتسيا باسقارماسىنىڭ اباي پوليتسيا ءبولىمى ق ر ق ك 105-بابى 3-بولىگىنە سايكەس (ءوزىن-ءوزى ولتىرۋگە دەيىن جەتكىزۋ) سوتقا دەيىنگى تەرگەۋ امالدارىن جۇرگىزۋدە. قازىرگى كەزدە وقيعانىڭ ءمان-جايى انىقتالىپ جاتىر»، دەپ حابارلادى ۆەدومستۆودان.

ب ق و دەنساۋلىق ساقتاۋ باسقارماسى باسپا ءسوز قىزمەتىنىڭ ناقتىلاۋىنشا، ساعات 13.40 تا ج. دوسمۇحامەدوۆ كوشەسى بويىنداعى جاتاقحانادان وبلىستىق جەدەل مەديتسينالىق جاردەم ستانتسياسىنا قوڭىراۋ شالىنعان. ستۋدەنت قىز باستاپقىدا جاقىن جەردە بولعاندىقتان، وبلىستىق كوپبەيىندى اۋرۋحاناعا جەتكىزىلگەن. كەيىن وبلىستىق كوپبەيىندى بالالار اۋرۋحاناسىنا جاتقىزىلدى. قازىر جانساقتاۋ بولىمىندە، جاعدايى وتە اۋىر. بالالار نەيروحيرۋرگىنىڭ، تراۆماتولوگتىڭ جانە حيرۋرگتىڭ باقىلاۋىندا.

ەسكە سالا كەتەيىك، ورال قالاسىندا پوليتسيا قىزمەتكەرىنىڭ پارا الۋ كەزىندە ۇستالعانىن جازعان بولاتىنبىز.