ورالدا قۇجاتتارى جوق 1,5 ميلليون قوراپ تەمەكى جويىلدى
قارجىلىق مونيتورينگ اگەنتتىگىنىڭ باتىس قازاقستان وبلىسى بويىنشا دەپارتامەنتى سايكەستەندىرۋ قۇجاتتارى جوق قۇنى 967 ميلليون تەڭگەدەن اساتىن 1,5 ميلليوننان استام قوراپ تەمەكىنى جويدى، دەپ حابارلايدى kazinform.
«ەسكە سالايىق، بۇعان دەيىن دەپارتامەنت سوتقا دەيىنگى تەرگەپ-تەكسەرۋ جۇرگىزىپ، ەكى ولشەمدى ماتريتسالىق شتريحكودسىز تەمەكى ونىمدەرىن ساتاتىن ادامدار توبىن انىقتاعان بولاتىن.
سوت ۇكىمىمەن ولار قىلمىستىق جاۋاپقا تارتىلدى، ال تاركىلەنگەن تەمەكى جويىلدى»، - دەلىنگەن ق ر ق م ا مالىمەتىندە.
سونداي-اق تاعى ءبىر ءىس بويىنشا سوت زاتتاي دالەلدەمەلەردى، اتاپ ايتقاندا ءتيىستى قۇجاتتارسىز زاڭسىز كاسىپكەرلىك قىزمەتتى انىقتاۋ ناتيجەسىندە تاركىلەنگەن تەمەكىلەردى (DataMatrix ءى بار) ساتۋ تۋرالى ق م ا ب ق و بويىنشا دەپارتامەنتىنىڭ ءوتىنىشىن قاناعاتتاندىردى.
«ساتىلىمنان تۇسكەن 84 ميلليون تەڭگە سوماسىنداعى قاراجات سوتقا دەيىنگى تەرگەپ-تەكسەرۋ اياقتالعاننان كەيىن سوت شەشىمى بويىنشا مەملەكەت كىرىسىنە اۋدارىلدى»، - دەلىنگەن باسپا ءسوز بايانىندا.
