ورالدا نەلىكتەن ادام باسىنا 10 جۇمىرتقادان عانا ساتىلىپ جاتىر

жұмыртқа
Фото: Pixabay

  ورال. KAZINFORM - ورال قالاسىنداعى الەۋمەتتىك دۇكەندەردە جۇمىرتقا ءبىر قولعا 10 دانادان ساتىلىپ جاتىرعانى جونىندە مالىمەتتىڭ تاراۋىنا بايلانىستى ب ق و اۋىل شارۋاشىلىعى باسقارماسى مەحانيزاتسيا جانە قايتا وڭدەۋ ءبولىمىنىڭ باسشىسى بەرىك سيتقازيەۆ تۇسىنىك بەردى.

ماماننىڭ ايتۋىنشا، تۇراقتاندىرۋ قورىنىڭ جۇمىرتقاسى جاڭاجىلدىق مەرەكە كەزىندە 20 -جەلتوقساننان 31 -جەلتوقسانعا دەيىن ءبىر قولعا 10 دانادان ساتىلعان.

1-قاڭتاردان باستاپ بۇل شەكتەۋ الىنىپ، قازىر ءبىر قولعا 30 دانا جۇمىرتقادان ساتىلۋدا.

«باعانى تۇراقتاندىرۋ ماقساتىندا وتكەن جىلى ماۋسىمدا جەرگىلىكتى تاۋار ءوندىرۋشى — «اگروفيرما «اقاس» ج ش س- عا «اينالىم سحەماسى» تەتىگى اياسىندا 3,8 ميلليون دانا تاۋىق جۇمىرتقاسىن جەتكىزۋگە 160 ميلليون تەڭگە كولەمىندە زايم بەرىلگەن. مۇنى 2023 -جىلدىڭ قازانى مەن 2024 -جىلدىڭ مامىرى اراسىندا جۇزەگە اسىرۋ كوزدەلگەن. قازان ايىنان بەرى تاۋىق جۇمىرتقاسى 50 ساۋدا نۇكتەسىنە ءار داناسىن 43 تەڭگەدەن اكەلىنۋدە. ساۋدا ورىندارى وعان 10 پايىز ساۋدا ۇستەمە قوسىپ، 10 داناسىن 473 تەڭگەدەن ساتۋدا. جۇمىرتقانىڭ كوتەرمە ساۋداسىنا جول بەرمەۋ ءۇشىن ءبىر قولعا 30 دانادان ساتۋعا شەكتەۋ قويىلدى. «اگروفيرما «ا ق ا س» ج ش س كەلىسىمشارتقا سايكەس كۇنى بۇگىنگە دەيىن 1,8 ميلليون استام دانا تاۋىق جۇمىرتقاسىن وتكىزدى. جۇمىرتقانى تومەن باعامەن ساتۋ بيىلعى جىلدىڭ مامىرىنا دەيىن جالعاسادى»، - دەدى ب. سيتقازييەۆ.

ەسكە سالا كەتەيىك، بۇدان بۇرىن ب ق و- دا جۇمىرتقا ءبىر ادامعا 10 دانادان ساتىلىپ جاتقانىن جازعان بولاتىنبىز.

سوڭعى جاڭالىقتار