ورالدا ماس ادام جۇرگىزۋشىنى تاپانشامەن قورقىتقان
ورال. KAZINFORM - ورال قالاسىندا پوليتسيا قىزمەتكەرلەرى تاپانشامەن جۇرگەن ماس جۇرگىزۋشىنى ۇستادى.
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، ەر ادام ەكىنشى جۇرگىزۋشىگە سيگنالدىق تاپانشامەن قاۋىپ توندىرگەن.
جانجال جول قوزعالىسى ەرەجەلەرىن ساقتاماۋ سالدارىنان تۋىنداعان. جۇرگىزۋشىلەردىڭ ءبىرى قارۋدى الىپ، ەكىنشىسىنە كەزەگەن. جابىرلەنۋشى بۇل تۋرالى پوليتسياعا حابارلادى.
- جۇرگىزۋشى ماس كۇيىندە بوي تاسالاۋعا تىرىستى. پوليتسيا قىزمەتكەرلەرى تەز ارەكەت ەتىپ، زاچاگان كەنتىندە كۇدىكتىنىڭ كولىگىن قۋىپ جەتىپ، تەز ارادا توقتاتتى. كولىكتەن سيگنالدىق قارۋ تابىلدى. جۇرگىزۋشىگە قاتىستى قارۋدى زاڭسىز ساقتاعانى ءۇشىن قىلمىستىق ءىس قوزعالدى جانە بىرنەشە باپ بويىنشا اكىمشىلىك ءوندىرىس باستالدى، - دەپ حابارلادى ۆەدومستۆودان.
اۆتور
عايساعالي سەيتاق
