ورالدا دۇكەن ورتەنىپ، 20 ادام ەۆاكۋاتسيالاندى

ورال. KAZINFORM - ورال قالاسىندا ءابىلقايىر حان داڭعىلىندا «جايىق» دۇكەنىندە ءورت بولدى.

ب ق و ت ج دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، دۇكەندە ازىق-تۇلىك ونىمدەرىنىڭ جانىپ جاتقانى جونىندە 4-قاراشا كۇنى ساعات 07.48-دە حابار تۇسكەن.

فوتو: ب ق و توتەنشە جاعدايلار دەپارتامەنتى

«دۇكەن بەس قاباتتى تۇرعىن ءۇيدىڭ ءبىرىنشى قاباتىندا ورنالاسقان. «ءتىلسىز جاۋ» ساعات 08.27-دە وقشاۋلانىپ، 08.41-دە اۋىزدىقتالدى. زارداپ شەككەندەر جوق. ت ج د كۇشتەرىمەن 20 ادام ەۆاكۋاتسيالانسا، سونىڭ تورتەۋى - بالالار. 30 ادام تۇرعىن ۇيدەن وزدەرى شىقتى. ءورتتى سوندىرۋگە جەكە قۇرامنان 29 ادام، 9 تەحنيكا جۇمىلدىرىلدى. قازىرگى كەزدە وقيعانىڭ سەبەپ-سالدارى، كەلتىرىلگەن شىعىن انىقتالۋ ۇستىندە»، دەپ حابارلادى ۆەدومستۆودان.

اۆتور
عايساعالي سەيتاق