ورال قالاسىندا جاڭادان 20 اۆتوبۋس جولعا شىقتى
ورال. KAZINFORM - ورالدا تۇرعىنداردىڭ قوعامدىق كولىكپەن جۇرۋىنە قولايلى جاعداي جاساۋ ماقساتىندا قالالىق تاسىمالداۋشىلارمەن 20 جاڭا اۆتوبۋس ساتىپ الىندى.
ورال قالاسى اكىمدىگىنەن ءمالىم ەتكەنىندەي، ناتيجەسىندە قوعامدىق كولىك قۇرامىنىڭ توزۋى 27 پايىزعا دەيىن قىسقاردى.
جىلىنا شامامەن 53 ميلليون جولاۋشى اعىنى بار قوعامدىق كولىك پاركىن تولىقتىرۋعا ەرەكشە كوڭىل ءبولىنىپ كەلەدى.
جولاۋشىلارعا لايىقتالعان جاڭا قوعامدىق كولىكتەردە اۆتوبۋستاردىڭ ءجۇرۋ باعىتىن بىلۋگە ارنالعان GPS قۇرىلعىسى ورناتىلعان. سونداي-اق ارنايى قاجەتتىلىگى بار جانداردىڭ ارباسىنا ارنالعان پاندۋس، LED- ەكراندار، دەزينفەكتسيالاۋعا ارنالعان ۋلتراكۇلگىندى لامپا جانە بەينەباقىلاۋ قۇرىلعىسىمەن جاساقتالعان.
- مۇنىڭ بارلىعى الەۋمەتتىك ماڭىزى بار مارشرۋتتاردا تاسىمالداۋشىلاردىڭ شىعىندارىن سۋبسيديالاۋدىڭ ارقاسىندا مۇمكىن بولدى. جىل سايىن وسى باعىتتا قالالىق كاسىپورىندارعا بيۋدجەتتەن بولىنەتىن سۋبسيديا كولەمى ارتۋدا. 2024 -جىلى وسى ماقساتقا 5,2 ميلليارد قاراجات بەرىلدى. قازىر بارلىق مارشرۋتتاردا جولاقى تولەۋدىڭ ەلەكتروندى جۇيەسى ەنگىزىلدى. ناتيجەسىندە بيۋدجەتكە سالىقتىق ءتۇسىم ەسەلەپ ارتىپ، جۇمىس ورنى كوبەيدى، - دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن ورالدا قوعامدىق كولىك قاتارى جاڭا اۆتوبۋستارمەن تولىقتىرىلعانىن جازعان بولاتىنبىز.
