ورال كافەسىندەگى جارىلىس: وقيعا ورنىنان ءۇشىنشى ادامنىڭ دەنەسى تابىلدى

Орал
Фото: БҚО ТЖД/видеодан алынды

ورال كافەسىندەگى جارىلىس ورنىنان ءۇشىنشى ادامنىڭ دەنەسى تابىلدى، دەپ حابارلايدى Kazinform.

ب ق و ت ج دەپارتامەنتىنىڭ باسپا ءسوز قىزمەتىنەن ءمالىم ەتكەندەي، اپاتتىق-قۇتقارۋ جۇمىستارى جالعاسىپ جاتىر.

«جۇمىس قۇلاعان كونسترۋكتسيا سانىنىڭ كوپ بولۋىنا بايلانىستى قيىنداۋدا. وقيعا ورنىندا عيماراتتىڭ قيىندىلارى قۇتقارۋشىلاردىڭ ومىرىنە قاۋىپ ءتوندىرىپ وتىر. عيماراتتى تولىقتاي قيراتۋ جۇمىستارى جۇرگىزىلىپ جاتىر. ب ق و ت ج دەپارتامەنتى، پوليتسيا، جەرگىلىكتى اتقارۋشى ورگاندار مەن جەدەل مەديتسينالىق جاردەم كۇشتەرىنەن بارلىعى 190 نان اسا ادام جانە 50 تەحنيكا جۇمىلدىرىلدى. وقيعا ورنىندا زارداپ شەككەندەر مەن قايتىس بولعان ادامداردىڭ تۋعاندارىنا پسيحولوگيالىق كومەك كورسەتىلىپ جاتىر. ب ق و ت ج د شتابىندا 87112554088 ءنومىرى بويىنشا جەدەل جەلىنىڭ جۇمىسى جالعاسىپ جاتىر»، - دەپ حابارلادى ۆەدومستۆودان.

ەسكە سالا كەتەيىك، بۇدان بۇرىن ورال قالاسىندا كافەدە جارىلىس بولىپ، سوڭى ورتكە ۇلاسقانىن جازعان ەدىك.

سونداي-اق ورالدا كافەدەگى جارىلىستان ەكى ادام قازا تاپتى.

ورال كافەسىندەگى جارىلىستان جاراقات العانداردىڭ تورتەۋى جانساقتاۋ بولىمىندە جاتىر.

ورال كافەسىندەگى جارىلىستان زارداپ شەككەندەردىڭ قازىرگى جاعدايى بەلگىلى بولدى.

سوڭعى جاڭالىقتار