وقۋشىلاردىڭ توقساندىق باعاسى ەندى قالاي قويىلادى
استانا. KAZINFORM - توقساندىق باعانىڭ 50 پايىزى فورماتيۆتىك، 50 پايىزى ارالىق باعالاۋ ناتيجەلەرى نەگىزىندە ەسەپتەلەدى. بۇل تۋرالى ق ر وقۋ-اعارتۋ ءبىرىنشى ۆيتسە-ءمينيسترى شىنار اقپاروۆا مالىمدەدى.
ونىڭ ايتۋىنشا، توقساندىق باعا مەكتەپتىڭ LMS جۇيەسىندە بەلگىلەنگەن ءبىرىڭعاي فورمۋلا بويىنشا اۆتوماتتى تۇردە ەسەپتەلەدى. جۇيەدە وقۋشىنىڭ فورماتيۆتىك جانە ارالىق باعالاۋ ناتيجەلەرى، سونداي-اق ولاردىڭ قورىتىندى باعاداعى ۇلەسى كورسەتىلەدى. بۇل اتا-اناعا، وقۋشىعا جانە پەداگوگكە توقساندىق باعانىڭ قالاي قالىپتاسقانىن تۇسىنۋگە مۇمكىندىك بەرەدى.
- باستاۋىش سىنىپتاردا ارالىق باعالاۋ جۇمىستارىنا مودەراتسيا جۇرگىزىلمەيدى. باعالاۋدىڭ ءبىرىڭعاي تالاپتارى مەن ونى ۇيىمداستىرۋ ءتارتىبى ساقتالادى. ال مودەراتسيانىڭ بولماۋى، ت ج ب- نىڭ جەكە وتكىزىلمەۋى جانە دايىن جاۋاپ پاراقتارىن ازىرلەۋ قاجەتتىلىگىنىڭ ازايۋى پەداگوگتىڭ راسىمدىك جۇمىسىن وڭتايلاندىرىپ، ۋاقىتىن وقۋ پروتسەسىنە جانە ءبىلىم الۋشىمەن تىكەلەي جۇمىسقا كوبىرەك باعىتتاۋعا جاعداي جاسايدى، - دەدى ءبىرىنشى ۆيتسە-مينيستر.
جاڭارتىلعان باعالاۋ تاسىلدەرىنىڭ بارلىق ءبىلىم بەرۋ ۇيىمدارىندا ءبىرىزدى قولدانىلۋىن قامتاماسىز ەتۋ ءۇشىن پەداگوگتەرگە ورتالىقتاندىرىلعان ادىستەمەلىك قولداۋ كورسەتىلەدى.
ىبىراي التىنسارين اتىنداعى ۇلتتىق ءبىلىم اكادەمياسىنىڭ باعالاۋ ورتالىعى باعالاۋدىڭ ءبىرىڭعاي تالاپتارى مەن ءتارتىبىن ايقىنداپ، پەداگوگتەرگە ادىستەمەلىك ۇسىنىمدار مەن تاپسىرما ۇلگىلەرىن ۇسىنادى.
ەرەكشە ءبىلىم بەرۋ قاجەتتىلىكتەرى بار وقۋشىلاردىڭ جەكە ەرەكشەلىكتەرى دە ەسكەرىلەدى. پەداگوگ قاجەت بولعان جاعدايدا ولار ءۇشىن سارالانعان نەمەسە جەكە تاپسىرمالار ازىرلەي الادى. تاپسىرمالاردىڭ كولەمى، نىسانى، ورىندالۋ ءتاسىلى مەن ۋاقىتى بالانىڭ جەكە قاجەتتىلىكتەرىنە قاراي بەيىمدەلۋى مۇمكىن.
ايتا كەتەيىك، مەكتەپتەگى ارالىق باعالاۋ نە ءۇشىن كەرەك ەكەنىن جازعانبىز.
