وقۋشىلار كۇزگى جانە قىسقى كانيكۋلدا قانشا كۇن دەمالادى؟
استانا. KAZINFORM - قازاقستان مەكتەپتەرىندە كۇزگى كانيكۋل 2026-جىلدىڭ 26-قازاننان 1-قاراشاعا دەيىن جالعاسادى. ال قىسقى دەمالىس 28-جەلتوقساندا باستالىپ، 2027-جىلدىڭ 10-قاڭتارىندا اياقتالادى.
كۇزگى دەمالىس كەزىندە وقۋشىلارعا ءبىر اپتا دەمالىس بەرىلەدى. بالالار ءبىرىنشى جانە ەكىنشى توقساننىڭ ءارقايسىسىندا 8 اپتا وقيدى.
ال قىسقى دەمالىس 28-جەلتوقساننان 2027-جىلدىڭ 10-قاڭتارىنا دەيىن جالعاسادى. وسىلايشا، وقۋشىلار 14 كۇن دەمالادى.
ءبىرىنشى سىنىپ وقۋشىلارى ءۇشىن قاراستىرىلعان قوسىمشا قىسقى كانيكۋل 2027-جىلدىڭ 8-14-اقپان ارالىعىندا وتەدى. بالالار 7 كۇن دەمالادى.
قازاقستان مەكتەپتەرىندە 2026-2027 وقۋ جىلى 2027-جىلى 25-مامىردا اياقتالادى.
وسىلايشا، وقۋشىلاردى كۇزدە ءبىر اپتالىق، قىستا ەكى اپتالىق دەمالىس كۇتىپ تۇر. ال اقپانداعى قوسىمشا كانيكۋل تەك ءبىرىنشى سىنىپ وقۋشىلارىنا ارنالعان.
