وقۋشى مۇعالىمدى بالاعاتتاسا قانداي جازا كۇتىپ تۇر

وقۋشىءمۇعالىمدى بالاعاتتاپ، ار-نامىسىن تاپتاسا، ونىڭ ورنىنا اتا-اناسى زاڭ الدىندا جاۋاپتى بولادى، دەپ حابارلايدى otyrar.kz سايتى.

اكىمشىلىك قۇقىقبۇزۋشىلىق تۋرالى كودەكسىنىڭ 435-بابىنا سايكەس، اتا-اناسىنا اكىمشىلىك حاتتاما تولتىرىلىپ، ءىس سوتقا جىبەرىلەدى جانە 7 ا ە ك - 24150 تەڭگە كولەمىندە ايىپپۇل تولەيدى.

ەسكەرە كەتەيىك، ەگەر بالا مۇنداي ورەسكەل ارەكەتتى بىرنەشە رەت جاساسا، مەكتەپتەن شىعارىلۋى مۇمكىن. ياعني، «ءبىلىم تۋرالى» زاڭىنىڭ 31-بابىنىڭ 3-تارماعىنا سايكەس 16 جاسقا دەيىنگى بالالاردى ورتا ءبىلىم بەرەتىن مەملەكەتتىك ۇيىمداردان شىعارۋعا قۇقىققا قارسى ارەكەتتەر جاساعانى، ءبىلىم بەرۋ ۇيىمدارىنىڭ جارعىسىن ورەسكەل جانە بىرنەشە رەت بۇزعانى ءۇشىن ءبىلىم بەرۋ ۇيىمى مەملەكەتتىك باسقارۋ ورگانىنىڭ شەشىمى بويىنشا ەرەكشە جاعدايلاردا رۇقسات ەتىلەدى.