وقۋ-اعارتۋ ءمينيسترى «ۇزدىك پەداگوگ» بايقاۋىنىڭ جەڭىمپازدارىمەن كەزدەستى

педаог
Фото: ҚР Оқу-ағарту министрлігі

استانا. KAZINFORM - ەلىمىزدە 12 جىل بويى ءداستۇرلى تۇردە «ۇزدىك پەداگوگ» رەسپۋبليكالىق كونكۋرسى ۇيىمداستىرىلىپ كەلەدى. بۇگىنگە دەيىن جالپى سانى 624 ءمۇعالىم ءوز ماماندىعىنىڭ ۇزدىگى اتاندى.

پەداگوگتەرمەن كەزدەسۋدە وقۋ-اعارتۋ ءمينيسترى عاني بەيسەمبايەۆ ءبىلىم سالاسىنىڭ دامۋىنداعى ۇستازداردىڭ ءرولى ماڭىزدى ەكەنىن اتاپ ءوتتى.

«ۇستاز بولۋ - بۇل ەڭ الدىمەن ءوز ماماندىعىڭدى شەكسىز ءسۇيۋ. ونىڭ ۇرپاققا تاربيە مەن ءبىلىم بەرۋدەگى ەڭبەگى شەكسىز. ۇستازدىڭ مىندەتى مەكتەپ تابالدىرىعىن تارىداي بولىپ اتتاعان ءاربىر بالانى ادال ادام، تۇلعا رەتىندە قالىپتاستىرۋعا كۇش سالۋ ەكەنىن ايتا كەتكەن ءجون. وسكەلەڭ ۇرپاقتىڭ تاعدىرى مۇعالىمنىڭ قولىندا، سوندىقتان پەداگوگتەر ءوزىنىڭ ۇلگىلى ءىسى ارقىلى تەرەڭ ءبىلىم مەن جوعارى مادەني قۇندىلىقتارعا جول كورسەتەتىن تۇلعا بولۋى ءتيىس»، - دەدى عاني بەيسەمبايەۆ.

ەلىمىزدىڭ ۇزدىك ۇستازدارى ءىس-تاجىريبەلەرىمەن، يدەيالارىمەن ءبولىستى. سونداي- اق مەملەكەتكە وزدەرىنە سەنىم ارتىپ، پەداگوگيكالىق قاۋىمعا كورسەتكەن قولداۋى ءۇشىن العىس ءبىلدىردى.

ايتا كەتەيىك، «ۇزدىك پەداگوگ» رەسپۋبليكالىق بايقاۋى 2012 -جىلدان بەرى وتكىزىلىپ كەلەدى. جىل سايىن 64 پەداگوگ وسى ماراپاتقا يە بولادى. ءاربىر جەڭىمپازعا مەملەكەتتىك قولداۋ رەتىندە 1000 ا ە ك نەمەسە 3450000 تەڭگە كولەمىندە سىياقى بەرىلەدى.

سوڭعى جاڭالىقتار