وقۋ-اعارتۋ ءمينيسترى مەكتەپ ديرەكتورلارىنا قويىلاتىن تالاپقا قاتىستى تۇسىنىك بەردى
استانا. KAZINFORM - وقۋ-اعارتۋ ءمينيسترى عاني بەيسەمبايەۆ ەلىمىزدەگى مەكتەپتەرگە ديرەكتور تاعايىنداۋ تالابى كۇشەيتىلگەنىن ايتتى.
- جالپى تالاپ كۇشەيتىلدى. سوندىقتان مەكتەپتەردە ورىن الىپ جاتقان ماسەلەلەردى تولىققاندى شەشۋ ءۇشىن جانە كوپتەگەن جاڭالىقتاردى ەنگىزۋ تۇرعىسىندا مەكتەپ باسشىسىنىڭ كرەاتيۆتى ءارى وتە بىلىكتى بولۋى اسا ماڭىزدى. وسىعان قاتىستى پرەزيدەنتتىڭ تاپسىرماسىمەن «ءبىلىم بەرۋدەگى وزگەرىستەردىڭ 1000 كوشباسشىسى» باعدارلاماسىن قابىلداپ، قازىردىڭ وزىندە 500 مەكتەپتىڭ بولاشاق ۇمىتكەرىن دايارلادىق، ولار مەكتەپ ديرەكتورى بولا الادى. بۇل رەتتە، بارلىق جاعداي قاراستىرىلعان، ياعني ەشبىر كونكۋرسسىز تاعايىندالۋى سونداي-اق جالاقىسىنىڭ جوعارى بولۋى ەسكەرىلگەن، - دەدى ع. بەيسەمبايەۆ ءماجىلىستىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، ديرەكتورلىققا ۇمىتكەرلەردى دايارلاۋمەن قاتار، قازىر قىزمەت ەتىپ جاتقان مەكتەپ باسشىلارىن دا ارنايى كۋرستاردان جاپپاي وقىتۋ جۇمىستارى قولعا الىنىپ جاتىر.
ەسكە سالساق، بيىل اقپان ايىندا وقۋ-اعارتۋ ءمينيسترى عاني بەيسەمبايەۆ ۆەدومستۆونىڭ القا ماجىلىسىندە ەلدەگى 740 مەكتەپكە ديرەكتور كەرەك ەكەنىن ايتقان ەدى.
مينيسترلىك 2023-جىلدان باستاپ «ءبىلىم بەرۋدەگى وزگەرىستەردىڭ 1000 كوسباسشىسى» جوباسىن ىسكە اسىرىپ كەلەدى.
