وپپەنگەيمەردىڭ نەمەرەسى كليماتتىڭ وزگەرۋىمەن كۇرەسۋ ءۇشىن اتوم ەنەرگياسىن پايدالانۋدى ۇسىندى

  استانا. KAZINFORM - يادرولىق ەنەرگەتيكالىق تەحنولوگيالاردى الەمدى جويۋ ءۇشىن ەمەس، ونى قۇتقارۋ ءۇشىن پايدالانۋعا بولادى.

Атом энергетикасы
Фото: aa.com.tr

بۇل تۋرالى ەكىنشى دۇنيەجۇزىلىك سوعىس كەزىندە جاپونياعا تاستالعان اتوم بومباسىن جاساۋدا ماڭىزدى ءرول اتقارعان روبەرت وپپەنگەيمەردىڭ نەمەرەسى چارلز وپپەنگەيمەر توكيودا وتكەن باسپا ءسوز ءماسليحاتىندا مالىمدەدى، دەپ جازادى Anadolu.

ايگىلى فيزيكتىڭ نەمەرەسى كليماتتىڭ وزگەرۋىنە قارسى كۇرەستە اتوم ەنەرگياسىن كەڭىنەن پايدالانۋ قاجەتتىگىن اتاپ ءوتتى. وپپەنگەيمەر يادرولىق ەنەرگياسى بار ەلدەر اراسىنداعى ديالوگتى جانداندىرۋ قاجەتتىگىن دە قوسا كەتتى.

ونىڭ پايىمداۋىنشا، ەگەر ولار قارىم-قاتىناستى ارتتىرماسا، ا ق ش، قىتاي جانە رەسەي اراسىنداعى شيەلەنىس الەمدەگى ەڭ ۇلكەن قاۋىپكە اينالۋى مۇمكىن.

- اتا-بابامىزدان، سونىڭ ىشىندە مەنىڭ اتامنان ۇلگى الامىز دەپ ويلايمىن. ولاردىڭ كەڭەستەرىن تىڭداۋ بۇگىندە بۇرىنعىدان دا ماڭىزدى. مەن اتوم ەنەرگياسىن يگىلىككە پايدالانا الاتىنىمىزعا سەنەمىن، - دەيدى وپپەنگەيمەر.

وپپەنگەيمەردىڭ نەمەرەسى جاپونيانىڭ وڭتۇستىك-شىعىسىنداعى حيروسيماعا ساپارى كەزىندە حيروسيما بەيبىتشىلىك مەموريالدىق مۇراجايىنىڭ ديرەكتورى حارادا حيروشيمەن كەزدەستى.

اقپارات ءۇشىن، امەريكالىق فيزيك، «اتوم بومباسىن ويلاپ تاپقان» روبەرت وپپەنگەيمەردىڭ نەمەرەسى 49 جاستاعى چارلز وپپەنگەيمەر ا ق ش- تا تۇرادى. ول اتوم ەنەرگياسىن بەيبىت ماقساتتا پايدالانۋدى قولدايتىن «Oppenheimer Project» ۇكىمەتتىك ەمەس ۇيىمىنىڭ نەگىزىن قالاۋشى.

سوڭعى جاڭالىقتار