ونكولوگياعا قاجەت قىمبات دارىلەردى ۇشاقپەن تاسىمالداۋ جولعا قويىلدى

Ташкенттен Астанаға ұшқан ұшақ кері қайтуға мәжбүр болды
Фото: Мақсат Шағырбай / Kazinform

استانا. KAZINFORM - الماتىداعى يادرولىق فيزيكا ورتالىعى ونكولوگيالىق ناۋقاستارعا ارنالعان تەز بۇزىلاتىن دارىلەردى قازاقستاننىڭ ءتۇرلى قالالارىنا ۇشاقپەن تاسىمالداۋعا مۇمكىندىك الىپ وتىر.

ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا وسىنداي مالىمەت ايتىلدى.

«يادرولىق فيزيكا ينستيتۋتى» رەسپۋبليكالىق مەملەكەتتىك كاسىپورنىنىڭ باس ديرەكتورى سايابەك ساحييەۆتىڭ سوزىنشە، بۇل جوبا دەنساۋلىق ساقتاۋ، كولىك مينيسترلىكتەرى مەن پارلامەنت پالاتالارىنىڭ، ماگاتەنىڭ بىرلەسكەن جۇمىسىنىڭ ارقاسىندا ىسكە قوسىلىپ وتىر.

«يادرولىق مەديتسينا - يادرولىق فيزيكا مەن تەحنولوگيانىڭ قوسىندىسى. بۇل جەردە كولىك مينيسترلىگى دە ءوز ۇلەسىن قوسىپ وتىر. Air Astana دا بار كۇشىن سالدى. ءبارىمىز ءبىر جەڭنەن قول، ءبىر جاعادان باس شىعارۋ ارقىلى وسىنداي شارۋانى تىندىردىق. بۇل شارا ءارى قاراي جالعاسىن تابادى دەپ ويلايمىن. يادرولىق فيزيكا ينستيتۋتى ءوز ونىمدەرىن 5 ەلگە ەكسپورتتاپ وتىر. فرانتسيا، گەرمانيا، رەسەي جانە تۇركيا سياقتى ەلگە وندىرىسكە قاجەتتى راديويزوتوپتار ەكسپورتتالادى. بىلتىر ماگاتە مەن قازاقستاننىڭ ەنەرگەتيكا مينيسترلىگى ارىپتەستىك قۇجاتقا قول قويعان بولاتىن. سونىڭ اياسىندا ماگاتەنىڭ قارجىسىنا ماۋسىم ايىننان باستاپ دياگنوستيكا جانە جۇرەك اۋرۋلارىن ەمدەۋ ءۇشىن راديواكتيۆتى فارماتسيەۆتيكالىق ونىمدەردى جەتكىزە باستادىق»، - دەدى ول.

سوڭعى جاڭالىقتار