ون جانە ودان دا كوپ كارتالارى بار كليەنتتەرگە تەكسەرۋ كۇشەيتىلدى: ق م ا تۇرعىندارعا ەسكەرتۋ جاسادى

استانا. KAZINFORM - قىلمىسكەرلەر ءوز كىرىستەرىن زاڭداستىرۋ ءۇشىن جەكە تۇلعالاردى بەلسەندى تۇردە پايدالاندى، دەپ مالىمدەدى ق ر قارجىلىق مونيتورينگ اگەنتتىگىنىڭ باسپا ءسوز قىزمەتى.

باسپا ءسوز قىزمەتىنىڭ مالىمەتتەرىنە قاراعاندا، اگەنتتىك قىلمىستىق كىرىستەردى زاڭداستىرۋ ءۇشىن 6,2 مىڭ «دروپ- كارتالاردىڭ» پايدالانىلعانىن انىقتادى. بۇل كارتالار ارقىلى اينالىمنىڭ جالپى سوماسى 24 ميلليارد تەڭگەگە جەتتى.

«دروپتار» - بۇل بانكتىك كارتالار مەن شوتتاردى راسىمدەۋ ءۇشىن قولدانىلاتىن جالعان تۇلعالار.

ينتەرنەت- بانكينگكە قاشىقتان قول جەتكىزۋ ءۇشىن كاسىبي جىلىستاۋشىلار ءۇشىنشى تۇلعالارعا تىركەلگەن بايلانىس وپەراتورلارىنىڭ SIM كارتالارىن پايدالانعان.

كوبىنەسە «دروپ- كارتالار» ەسىرتكى ساۋداسى، كيبەرالاياقتىق، زاڭسىز قۇمار ويىندار جانە باسقا دا قىلمىستىق ارەكەتتەرگە بايلانىستى سحەمالاردا قولدانىلعان.

ءىس جۇزىندە «دروپتار» دەپ اتالاتىندار حالىقتىڭ وسال توپتارىنا جاتاتىن ادامدار بولدى (جۇمىسسىزدار، ستۋدەنتتەر، زەينەتكەرلەر جانە باسقالار) ، ولار قىلمىستىق سحەمالارداعى رولدەرىنىڭ بارلىق سالدارىن تۇسىنبەيدى.

مۇنداي كارتالاردىڭ يەلەرىنىڭ %90 دان استامى رەزيدەنت ەمەس تۇلعالار بولعان. ولار تۋرالى اقپارات شەتەلدىك مەملەكەتتەردىڭ قۇقىق قورعاۋ ورگاندارىنا بەرىلدى.

مۇنداي زاڭسىز ارەكەتتەردىڭ الدىن الۋ ءۇشىن قارجىلىق مونيتورينگ اگەنتتىگى ۋاكىلەتتى ورگاندارمەن بىرلەسىپ كەلەسى شارالاردى قابىلدادى:

- بانكتىك كارتالاردى ءۇشىنشى تۇلعالارعا بەرۋ ءۇشىن اكىمشىلىك جانە قىلمىستىق جاۋاپكەرشىلىكتى كۇشەيتۋگە باعىتتالعان زاڭنامالىق وزگەرىستەر باستاماشىلىق ەتىلدى؛

- كۇدىكتى شوتتارداعى قاراجاتتى «توقتاتۋ» جانە قاشىقتان بانكتىك قىزمەت كورسەتۋدى ءوشىرۋ مەحانيزمى ەنگىزىلدى؛

- ءبىر كليەنتكە بەرىلەتىن بانكتىك كارتالاردىڭ سانىن شەكتەۋ جانە 10 نەمەسە ودان دا كوپ كارتالارى بار كليەنتتەرگە تەكسەرىستەر كۇشەيتىلدى؛

- كۇدىكتى وپەراتسيالاردى انىقتاۋ جانە كۇماندى كليەنتتەردى قارجى مونيتورينگىنىڭ سۋبەكتىلەرىنىڭ قىزمەتتەرىنەن اجىراتۋ ءۇشىن تيپولوگيالار ازىرلەندى.

- قۇرمەتتى ازاماتتار، قارجىلىق مونيتورينگ اگەنتتىگى بانكتىك كارتالار مەن شوتتاردى پايدالانۋ ارقىلى زاڭسىز سحەمالارعا قاتىسقانى ءۇشىن جاۋاپكەرشىلىككە تارتىلۋ ءقاۋپى بار ەكەنىن ەسكەرتەدى.

كۇماندى قارجىلىق وپەراتسيالارعا قاتىسۋدان ساق بولۋعا شاقىرامىز. ەگەر سىزگە قاراجات اۋدارعانىڭىز ءۇشىن جەڭىل تابىس ۇسىنسا، بۇل قىلمىستىق سحەمانىڭ بولىگى بولۋى مۇمكىن. مۇنداي جاعدايلاردا بارلىق بايلانىستاردى توقتاتىپ، قۇقىق قورعاۋ ورگاندارىنا حابارلاۋىڭىز قاجەت.

ءسىزدىڭ ساقتىعىڭىز بەن مۇقياتتىلىعىڭىز - ەلدىڭ قارجىلىق قاۋىپسىزدىگىنىڭ كەپىلى!- دەلىنگەن حابارلامادا.

قارجىلىق مونيتورينگ اگەنتتىگى 150 مىڭعا جۋىق اكسيزسىز تەمەكى ساتۋشىلاردى قۇرىقتاعانى جازدىق.