14:10, 10 - جەلتوقسان 2024 | GMT +5
ون ءۇش جىل بوي تاسالاعان قىلمىسكەر جامبىل وبلىسىندا قولعا ءتۇستى
تاراز. قازاقپارات - 13 جىلدان استام ۋاقىت بويى جاسىرىنىپ كەلگەن قىلمىسكەر جامبىل وبلىسىنىڭ اۋىلدارىنىڭ بىرىندە ۇستالدى، دەپ حابارلايدى Polisia.kz.
2011 -جىلى ارقالىق ماڭىندا ءبىر توننادان استام ماريحۋانا تاسىمالداعان قىلمىستىق توپ ۇستالدى. وپەراتسيا بارىسىندا سەگىز ادام قاماۋعا الىندى، ءبىراق كۇدىكتىلەردىڭ ءبىرى جاسىرىنىپ ۇلگەرگەن.
ىزدەۋ جۇمىستارىن توقتاتپاعان ءتارتىپ ساقشىلارى قاسكۇنەمدى قۇرىقتادى. قاراشا ايىندا ءى ءى م كريمينالدىق پوليتسيا دەپارتامەنتىنىڭ قىزمەتكەرلەرىنە ىزدەۋدە جۇرگەن ادامنىڭ جامبىل وبلىسىنىڭ اۋىلدارىنىڭ بىرىندە ەكەندىگى تۋرالى جەدەل اقپارات كەلىپ سكەن بولاتىن. جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە كۇدىكتى ۇستالىپ، ۋاقىتشا ۇستاۋ يزولياتورىنا قامالدى.
