ون ءبىر ايدا 20 مىڭعا جۋىق ينتەرنەت الاياقتىق قىلمىسى تىركەلدى

  ەلىمىزدە ينتەرنەت الاياقتاردىڭ كەسىرىنەن ازماتتار 17,5 ميلليارد تەڭگە قارجىسىنان قاعىلدى. مۇنداي دەرەك باس پروكۋرور بەرىك اسىلوۆتىڭ ءماجىلىس دەپۋتاتتارىنىڭ ساۋالىنا بەرگەن جاۋابىندا كەلتىرىلگەن، دەپ حابارلايدى Kazinform.

2021 -جىلى الاياقتىق پەن قارجىلىق پيراميدالارعا قارسى 2022 -جىلعا ارنالعان جول كارتاسى ازىرلەنگەن.

«وسى شارالار كەشەنىنىڭ تارماقتارىن جۇزەگە اسىرۋ ينتەرنەت- الاياقتىقتىڭ 3,9 پايىزعا (21405 تەن 20569 عا دەيىن) تومەندەۋىنە ىقپال ەتتى. وسى جىلدىڭ 11 ايىندا مۇنداي قىلمىستاردىڭ 5,8 پايىزعا (18775 تەن 19864 كە دەيىن) شامالى ءوسۋى بايقالادى. بۇل رەتتە كەلتىرىلگەن شىعىننىڭ جالپى سوماسى 6,9 پايىزعا (18,8 ميلليارد تەڭگەدەن 17,5 ميلليارد تەڭگەگە دەيىن) ازايدى»، - دەيدى باس پروكۋرور جاۋابىندا.

ونىڭ اتاپ وتۋىنشە، 2022 -جىلعى جۇمىس تيىمدىلىگىن كورسەتكەن.

سوندىقتان قۇزىرەتتى مەملەكەتتىك ورگاندار اراسىندا 2023-2024 جىلدارعا ارنالعان الاياقتىقپەن جانە قارجىلىق پيراميدالارمەن كۇرەس جونىندەگى بىرلەسكەن ءىس- شارالار كەشەنىن بەكىتۋ تۋرالى بىرلەسكەن بۇيرىققا قول قويىلدى.

«ينتەرنەت- ساۋداعا جانە قىزمەتتەرگە قاتىستى الاياقتىق ارەكەتتەردىڭ كوبەيۋىن ەسكەرە وتىرىپ، ولاردىڭ الدىن الۋ ءۇشىن بۇل كەشەن ءتيىستى پلاتفورمالارمەن (Kolesa, Krisha, Market, OLX، kaspi Bank جانە باسقالار) كەلىسىم جاساۋدى قامتيتىن تارماقتى جۇزەگە اسىرۋدى كوزدەيدى. قازىرگى ۋاقىتتا ءىس- شارالار جۇيەلى تۇردە جۇزەگە اسىرىلۋدا»، - دەدى بەرىك اسىلوۆ.