ومىرتقا اۋرۋلارىن تۋدىرۋى مۇمكىن 9 ادەت
ءبىزدىڭ تەلەفون قاراۋ، كۇنى بويى كەڭسەدە وتىرۋ، بيىك جاستىقتا ۇيىقتاۋ سەكىلدى كۇندەلىكتى ءىس- ارەكەتىمىز ومىرتقاعا زيان كەلتىرەتىنىن بىلەسىز بە؟

زاماناۋي گادجەتتەردى پايدالانۋ
كۇنى بويى سمارتفون ەكرانىنا ءۇڭىلۋ دەنە ءمۇسىنىنىڭ قيسايىپ، بۇكىرەيۋىنىڭ ەڭ كوپ تاراعان سەبەبىنىڭ ءبىرى. بۇل ادەت ءتىپتى "گادجەت سيندرومى" اتتى بەيرەسمي اتاۋ العان.
ادام ۇيالى تەلەفونعا قاراۋ ءۇشىن باسىن تومەن قاراي يگەندە، باستىڭ سالماعى شامامەن بەس ەسە ارتادى. ءوز كەزەگىندە بۇل جاتىر موينىنا جۇكتەمە ءتۇسىرىپ، ارقا بۇلشىقەتتەرى قاتايىپ، يىق كوتەرىلىپ، مويىننىڭ تومەنگى بولىگى قىسىلىپ قالادى. مۇنداي قالىپتا ۇنەمى جانە ۇزاق وتىرساڭىز، مويىن- كەۋدە تۇيىسكەن جەردە وركەش سەكىلدى ءتۇيىن پايدا بولىپ، ول اسقىنسا جارىققا (گ ر ى ج ا) اينالۋى مۇمكىن.
وتىرىقشى ءومىر سالتى
ءبىر قالىپتا بىرنەشە ساعات وتىرعاندا، بەل ايماعىندا تەڭگەرىمسىزدىك پايدا بولىپ، اياقتىڭ يىلگىشتەرى مەن بەل بۇلشىق ەتى قاتتى تارتىلادى. تەپە-تەڭدىككە جاۋاپتى نەگىزگى بۇلشىقەتتەر ءارقاشان كەرنەۋدە بولۋى كەرەك. الايدا، وتىرىقشى ءومىر سالتى ولاردى ايتارلىقتاي بوساڭسىتادى، سالدارىنان ومىرتقاارالىق ديسكىلەردىڭ قورەكتەنۋى بۇزىلادى.
فيزيكالىق بەلسەندىلىكتىڭ بىردەن كۇشەيۋى
ەگەر جاتتىعۋ جاساۋدى دايىندىقسىز بىردەن باستايتىن بولساڭىز، بۇل ومىرتقاعا شامادان تىس جۇكتەمە تۇسىرەدى. مىسالى، جاتتىعۋ جاساۋ تەحنيكاڭىز دۇرىس بولماي، كەرەك- جاراق جەتكىلىكسىز بولسا، جاراقات الۋ قاۋپى جوعارىلايدى.
مۇنداي سپورت تۇرىنە جۇگىرۋ كىرەدى، اسىرەسە قاتتى تىعىزدالعان اسفالت ۇستىندە جۇگىرۋ سۇيەك پەن شەمىرشەكتىڭ جۇقارۋىنا اكەپ سوقتىرۋى مۇمكىن.
دۇرىس ەمەس وتىرۋ، ءجۇرۋ، جاتۋ، تۇرۋ
ىدىس- كيىم جۋعاندا، شاڭسورعىشپەن ءۇي تازالاعاندا العا قاراي ەڭكەيۋ بەل ومىرتقاسىنا ۇلكەن جۇكتەمە تۇسىرەدى. بۇل قالىپتا تۇرعان كەزدە ەكستەنزورلى بۇلشىقەتتەر قاتتى تارتىلادى. باستاپقى كەزدە بەل جاي اۋىرعانىمەن، كەيىنىرەك اۋىر اۋرۋعا اسقىنىپ كەتۋى ىقتيمال.
بۇدان بولەك، اياقتاردى ءبىر- بىرىنە ايقاستىرىپ وتىرۋ جانە كومپيۋتەردە جۇمىس ىستەۋ كەزىندە بۇكىرەيۋ بۇلشىق ەت اراسىنداعى تەڭگەرىمسىزدىكتى تۋدىرادى.
بيىك جاستىقتا ۇيىقتاۋ
ومىرتقانىڭ ساۋلىعى ءۇشىن ۇيىقتاعان كەزدە باس- ومىرتقا-جامباس بىركەلكى تۇرۋى شارت، ال بيىك جاستىق نەمەسە جۇمساق ماتراس بۇعان كەدەرگى كەلتىرەدى.
سونىمەن قاتار، ومىرتقاعا زيان تاعى ءبىر جامان ادەت - ىشپەن جاتىپ ۇيىقتاۋ. بىرىنشىدەن، مويىننىڭ تابيعي قيسىعى بۇزىلادى. ەكىنشىدەن، باس ءبىر جاققا عانا بۇرىلادى، بۇل مويىن ايماعىنداعى ديسلوكاتسيا نەمەسە بۇلشىقەت ديسفۋنكتسياسىنا اكەپ سوقتىرۋى مۇمكىن.
ءبىر ءتيپتى قوزعالىستار
كۇن سايىن بىردەي اكەرەتتەر، دەنەنىڭ ءبىر بولىگىنە عانا جۇكتەمە تۇسىرەدى. مىسالى، ەگەر دارىگەر ناۋقاستاردى قابىلداعان كەزدە ۇنەمى ەسىككە قاراي بۇرىلسا، ومىرتقاارالىق بۋىندا ديسفۋنكتسيا پايدا بولادى.
ىڭعايسىز اياق كيىم
وكشەسى بيىك، تار نەمەسە ماتەريالى قاتتى اياق كيىم كيۋ ومىرتقا ديسكىلەرىنە جۇكتەمە ءتۇسىرىپ، تاباننىڭ جالپايۋىنا اسەر ەتەدى.
اۋىر سالماق كوتەرۋ
جۇكتەمەنىڭ دۇرىس بولىنبەۋى جوعارعى يىق بەلدەۋىندەگى بۇلشىقەتتەردىڭ كەرنەۋىن جوعارىلاتىپ، ومىرتقانى شامادان تىس جۇكتەيدى. ال ەگەر جۇمىسىڭىز اۋىرلىق تاسىمالداۋمەن بايلانىستى بولسا، ەرەجەلەردى ساقتاۋ كەرەك.
دۇرىس تاماقتانباۋ
جىلدام كومىرسۋلار جەۋ، شامادان تىس تاماقتانۋ، فاست- فۋدقا دەگەن سۇيىسپەنشىلىك ارتىق سالماقتىڭ جينالۋىنا اكەلەدى. وسىعان بايلانىستى ومىرتقاارالىق ديسكىلەرگە جۇكتەمە جانە جالپاق اياقتىڭ دارەجەسى ارتادى.
Massaget.kz