ومبىدا رەسەي مەكتەپتەرىندە قازاق تىلىنەن ساباق بەرەتىن مۇعالىمدەر دايارلانادى
رەسەيدىڭ ومبى قالاسىندا ەتنيكالىق قازاقتار سانى ارتىپ كەلەدى. وسىعان وراي كورشى ەلدەگى بىرنەشە مەكتەپتە قازاق ءتىلى فاكۋلتاتيۆتىك ءپان رەتىندە وقىتىلىپ ءجۇر، دەپ حابارلايدى Kazinform.
الداعى ۋاقىتتا مەكتەپتەردە كاسىبي ءبىلىم بەرۋگە قابىلەتتى جوعارى بىلىكتى مۇعالىمدەردى وقىتۋ ءۇشىن قازاق جانە ورىس ءتىلى مۇعالىمدەرىن دايارلاۋ باعدارلاماسى جۇزەگە اسپاق.
بۇل تۋرالى وزبەكالى جانىبەكوۆ اتىنداعى و ق پ ۋ- نە رەسەيدىڭ ومبى پەداگوگيكالىق ۋنيۆەرسيتەتىنەن كەلگەن رەسمي وكىلدەر مالىمدەدى.
اتاپ ايتقاندا، ومبى مەملەكەتتىك پەداگوگيكالىق ۋنيۆەرسيتەتىنىڭ عىلىمي جۇمىستار جونىندەگى پرورەكتورى، ەكونوميكا عىلىمدارىنىڭ دوكتورى، دوتسەنت يرينا گەراشەنكو، حالىقارالىق ىنتىماقتاستىق ءبولىمىنىڭ باسشىسى ليۋدميلا بيەۆزيۋك، ورىس ءتىلى كافەدراسىنىڭ مەڭگەرۋشىسى ەۆگەني ۆيدانوۆ، اركاديي پەترۋسيەۆيچ.
رەسەيلىك عالىمداردى ۋنيۆەرسيتەت باسقارما ءتوراعاسى- رەكتور گۇلجان سۇگىربايەۆا قابىلداپ، ارىپتەس ج و و- مەن ىنتىماقتاستىق كەلىسىمشارتتى جاڭارتۋ، اكادەميالىق ۇتقىرلىق، تاعىلىمداما جانە حالىقارالىق باعدارلامالار مەن جوبالار، عىلىمي- زەرتتەۋ جۇمىستارى ماسەلەلەرىن تالقىلادى.
ۋنيۆەرسيتەتتىڭ اكادەميالىق ماسەلەلەر جونىندەگى پرورەكتورى ا. قۇدىشيەۆا، كافەدرا مەڭگەرۋشىلەرى د. بايعۇتوۆا مەن ە. ورىنبەتوۆاعا ارىپتەس ج و و- نىڭ ورىس ءتىلى كافەدراسىنىڭ مەڭگەرۋشىسى ە. ۆيدانوۆ، ا. پەترۋسيەۆيچپەن بىرگە جاڭا جوبانى جۇزەگە اسىرۋعا بايلانىستى ءبىرشاما مىندەتتەر جۇكتەلدى.
بۇگىندە و ق پ ۋ جوعارى ءبىلىم مەن عىلىمدى ينتەرناتسيونالداندىرۋ ساياساتىن قارقىندى جۇزەگە اسىرىپ جاتىر.
ۋنيۆەرسيتەت الەمنىڭ ءتۇرلى ايماقتارىنىڭ، اتاپ ايتقاندا، ەۋروپا وداعىنىڭ، شىعىس جانە وڭتۇستىك- شىعىس ازيا، تمد ەلدەرىنىڭ 100 دەن استام جوعارى ءبىلىم جانە زەرتتەۋ ۇيىمدارىمەن ىنتىماقتاستىق تۋرالى مەموراندۋم مەن حالىقارالىق كەلىسىمدەرگە قول قويعان.
