ومبىدا قۇرداستارىنا لاڭكەستىك ارەكەت جاساۋدى ۇسىنعان جاس ءوسپىرىم انىقتالدى
استانا. KAZINFORM - رەسەيدىڭ ومبى وبلىسىنىڭ قۇقىق قورعاۋ ورگاندارى بەلگىسىز بىرەۋلەردىڭ تاپسىرىسى بويىنشا قۇرداستارىنا اقشا ءۇشىن قوعامدىق ورىنداردا لاڭكەستىك ارەكەت جاساۋ تۋرالى ۇسىنىس جىبەرگەن جاس ءوسپىرىمدى انىقتادى، دەپ حابارلايدى ت ا س س اقپارات اگەنتتىگى.
«كامەلەتكە تولماعان بالا اقشالاي سىياقى الۋ ءۇشىن ۇيالى تەلەفون ارقىلى دوستارىنا ءىرى سوماعا قوعامدىق ورىنداردا لاڭكەستىك ارەكەت جاساۋ تۋرالى ۇسىنىسپەن حابارلاما جىبەرگەن. حابارلاما جىبەرگەنى ءۇشىن جاس وسپىرىمگە بەلگىسىز بىرەۋ ءاربىر 10 حابارلاما ءۇشىن 2,5 مىڭ رۋبل كولەمىندە اقشالاي سىياقى بەرۋدى ۋادە ەتكەن»، - دەپ حابارلادى ف ق ب ايماقتىق باسقارماسىنىڭ رەسمي وكىلى يرينا رۋسناك.
ونىڭ ايتۋىنشا، جاس ءوسپىرىمنىڭ تۇرعىلىقتى جەرىنە ءتىنتۋ جۇرگىزىلىپ، كومپيۋتەر مەن ۇيالى تەلەفون تاركىلەنگەن. الىنعان مالىمەتتەرگە سۇيەنە وتىرىپ، رەسەي ءى ءى م ومبى وبلىسى بويىنشا باسقارماسى وزىنە بايلانىستى ەمەس سەبەپتەرمەن اياقتالماعان الداعى جارىلىستار تۋرالى ادەيى جالعان حابارلامالاردى تاراتۋ فاكتىسى بويىنشا قىلمىستىق ءىس قوزعادى.
ەسكە سالا كەتسەك، 22-ناۋرىزدا بەلگىسىز بىرەۋلەر ماسكەۋ ماڭىنداعى كراسنوگورسك قالاسىنىڭ «كروكۋس سيتي حول» عيماراتىندا وق جاۋدىرعان. بۇل كەزدە «پيكنيك» توبىنىڭ كونسەرتى سوندا باستالۋى ءتيىس ەدى. رەسەي تەرگەۋ كوميتەتى لاڭكەستىك ارەكەتكە قاتىستى قىلمىستىق ءىس قوزعادى. بۇل ءىس بويىنشا ايىپتالۋشىلار جاقىندا رەسەيدە ۇستالدى.
