پوليتسەيلەر قازاقستاندىقتارعا ۇندەۋ جاسادى
پوليتسەيلەر قازاقستاندىقتارعا 2024-جىلعى 1- قاڭتاردان باستاپ كولىكتەرگە جاپسىرىلۋى كەرەك جاڭا مىندەتتى بەلگى تۋرالى ەسكەرتتى، - دەپ حابارلايدى Massaget.kz ءتىلشىسى.
«ەلىمىزدە 1- قاڭتاردان باستاپ گازبەن جۇرەتىن كولىكتەرگە ارنايى بەلگى ورناتۋ مىندەتتەمەسى كۇشىنە ەندى ياعني گاز بالون جابدىعى بار كولىكتەرگە GAS جازۋى بار سارى تەڭبۇيىرلى ءۇشبۇرىش بەلگىسىن قويۋ قاجەت»، - دەلىنگەن حابارلامادا.
گاز بالونى بار كولىكتى وڭاي اجىراتۋ ءۇشىن ستيكەردى جابىق تۇراقتاردىڭ كىرەبەرىسىنە دە قويۋ كەرەك.
جاڭا شارا قاۋىپسىزدىك ماقساتىندا ەنگىزىلگەن.
«اتالعان ستاندارت ق ر ىشكى ىستەر ءمينيسترى ەرجان سادەنوۆتىڭ بۇيرىعىمەن بەكىتىلگەن جول قوزعالىسى ەرەجەلەرىندە كورسەتىلگەن. وسى رەتتە تۇركىستان وبلىسىنىڭ پوليتسەيلەرى كولىك جۇرگىزۋشىلەرىن تەكسەرىپ، تۇسىندىرمە جۇمىستارىن جۇرگىزدى. جاپسىرمانى گاز بالونى بار كولىكتى وڭاي انىقتاۋعا بولاتىنداي ەتىپ، سونىمەن قاتار جابىق كولىك تۇراقتارىنىڭ كىرەبەرىسىنە دە قويىلۋى قاجەت. جاڭا شارا قاۋىپسىزدىك ماقساتىندا ەنگىزىلگەن. تۇركىستان وبلىسىندا 67 مىڭنان استام كولىك گاز قوندىرعىسىمەن جابدىقتالعان»، - دەپ حابالادى ۆەدومستۆو.
