پوليتسەيلەر مەن اقمولالىق اعايىندى ەكى جىگىت اراسىنداعى جانجالعا قاتىستى ءىستىڭ تەرگەۋى ءىءى م- ءنىڭ باقىلاۋىندا
استانا. KAZINFORM - پوليتسەيلەر مەن 18 جانە 17 جاستاعى اعايىندى ەكى جىگىت اراسىنداعى جانجال سوڭى توبەلەسكە ۇلاسقاننان كەيىن اقمولا وبلىستىق ىشكى ىستەر دەپارتامەنتىنىڭ ءتورت قىزمەتكەرىنە قاتىستى قىلمىستىق ءىس قوزعالدى.
كوكشەتاۋ قالاسىنىڭ تۇرعىنى ايگۇل اۋباكىروۆا الەۋمەتتىك جەلىلەر ارقىلى مەملەكەت باسشىسىنا ۇندەۋ جولدادى. ونىڭ ايتۋىنشا، ونىڭ 18 جانە 17 جاستاعى ەكى اعاسى «ارلان» مامانداندىرىلعان بولىمشەسىنىڭ قىزمەتكەرلەرىنىڭ قولىنان زارداپ شەككەن.
ايگۇل اۋباكىروۆانىڭ اڭگىمەسىنەن بەلگىلى بولعانداي، جول-كولىك اپاتىنان كەيىن پوليتسەيلەر ونىڭ اعالارىن توقتاتىپ، دەنە جاراقاتىن سالا باستاعان، سودان كەيىن جاس جىگىتتەردى ورمانعا اپارىپ، ۇرىپ-سوعۋدى جالعاستىرعان. كىشى ءىنىسى قاتەرلى ىسىكپەن اۋىرادى. جابىرلەنۋشىلەر كەيىنىرەك دەنە جاراقاتتارىمەن اۋرۋحاناعا جاتقىزىلدى.
اقمولا وبلىسى پوليتسيا دەپارتامەنتىنىڭ باسپا ءسوز قىزمەتى وقيعاعا قاتىستى تۇسىنىكتەمە بەردى.
«پوليتسيا قىزمەتكەرلەرى مەن اعايىندى ەكى جىگىت اراسىنداعى توبەلەسكە ۇلاسقان جانجال سالدارىنان پوليتسيا بولىمشەسىنىڭ قىزمەتكەرلەرىنە قاتىستى قىلمىستىق ءىس قوزعالدى. كۇدىكتى رەتىندە ءتورت قىزمەتكەر انىقتالدى. ساراپتاما تاعايىندالدى. تەرگەۋ امالدارى جۇرگىزىلىپ جاتىر»، - دەپ اتاپ ءوتتى دەپارتامەنتتەن.
پوليتسيا تەرگەۋ مۇددەسى ءۇشىن باسقا اقپاراتتى جاريالاۋعا بولمايتىنىن قوسىپ ءوتتى. تەرگەۋ بارىسىن ق ر ىشكى ىستەر مينيسترلىگى ءوز باقىلاۋىنا الدى.
