پوليتسەيلەر شىرشانى زاڭسىز ساتۋدىڭ 400 دەن استام فاكتىسىن انىقتادى

زاڭسىز اعاش كەسىپ، دايىنداۋدى انىقتاۋ، قىلقان جاپىراقتى اعاشتاردى تاسىمالداۋ، سونداي-اق ساتۋ فاكتىلەرىنىڭ جولىن كەسۋ ماقساتىندا جاڭا جىل قارساڭىندا «شىرشا» جەدەل-پروفيلاكتيكالىق ءىس-شاراسى وتكىزىلدى، - دەپ حابارلايدى Polisia.kz.

بازارلاردا جانە باسقا جەرلەردە 724 جەدەل توپ قۇرىلدى، ونىڭ ىشىندە 434 ى تابيعاتتى قورعاۋ ورگاندارىمەن بىرلەسىپ قۇرىلعان بولاتىن. وسىنداي توپتاردىڭ كومەگىمەن 2,6 مىڭنان استام رەيد جۇرگىزىلدى. كورشى مەملەكەتتەردىڭ شەكارالاس وبلىستارىنىڭ اۋماقتارىنان اكەلىنگەن قىلقان جاپىراقتى اعاشتاردى بەلگىلەنبەگەن جەرلەردە، سونداي-اق ءتيىستى قۇجاتتارسىز ساتۋعا تىيىم سالۋ باعىتىندا ەلدىمەكەندەردە تەكسەرىستەر جۇرگىزىلدى.

ماسەلەن، «شىرشا» وپەراتسياسى بارىسىندا 700 گە جۋىق اكىمشىلىك قۇقىق بۇزۋشىلىق انىقتالدى، ونىڭ ىشىندە 12 سى زاڭسىز اعاش كەسۋ فاكتىسى، ونىڭ 425 ى بەلگىلەنبەگەن جەرلەردە ساتۋ، 302 سى جاسىل جەلەكتەردى ۇستاۋ جانە قورعاۋ ەرەجەلەرىن بۇزۋ. 4 قىلمىستىق ءىس قوزعالدى. ماسەلەن، تارازدا شىرشانى تىكەلەي جەكە سەكتور اۋماعىنان ۇرلاپ كەتكەن ەر ادام ۇستالدى. بۇل تۋرالى پوليتسياعا ءۇي يەسىنىڭ ءوزى حابارلادى. قاسكۇنەم ءتۇن جامىلىپ بيىكتىگى 2 مەتردەن اساتىن جاڭا جىلدىق مەرەكەنىڭ كوشەتىن ەش ساسپاستان ۇرلاپ اكەتىپ، 200 مىڭ تەڭگە كولەمىندە ماتەريالدىق شىعىن كەلتىردى.

ۇستالعان ادامنىڭ ايتۋىنشا، ول ولجاسىن جاڭا جىلدى تويلاۋ ءۇشىن ۇيىنە اكەلگەن. وسى فاكتى بويىنشا «ۇرلىق» بابىمەن سوتقا دەيىنگى تەرگەۋ باستالدى. ءى ءى م تابيعاتقا ۇقىپتى قاراۋعا جانە تابيعاتتى قورعاۋ زاڭناماسىن بۇزباۋعا شاقىرادى.

«ەگەر سىزگە زاڭنامانى بۇزۋ فاكتىلەرى بەلگىلى بولسا، وسى فاكتىلەر تۋرالى «102» پۋلتىنە دەرەۋ حابارلاڭىز، مۇمكىن بولسا، قۇقىق بۇزۋشىلىقتاردى فوتو نەمەسە بەينەجازبا جاساپ جولداڭىز»، - دەپ اتاپ ءوتتى ۆەدومستۆودان.