پوليتسيا قانداي جاعدايدا قىزمەتتىك قارۋدى قولدانا الادى

 استانا. KAZINFORM – ق ر ىشكى ىستەر مينيسترلىگى پوليسەيلەر قاي جاعدايدا قىزمەتتىك قارۋدى قولداناتىنىن ءتۇسىندىردى.

«قۇقىق قورعاۋ قىزمەتى تۋرالى» زاڭنىڭ 61-بابىنا سايكەس، قىزمەتكەرلەر اتىس قارۋىن جانە وزگە دە قارۋدى جەكە ادامداردىڭ ءومىرى مەن دەنساۋلىعىنا قاتەر تونگەن جاعدايدا ولاردى قىلمىسكەردەن قورعاۋ، سول سياقتى كەپىلگە الىنعانداردى بوساتۋ كەزىندە، سونداي-اق قىزمەتكەرلەرگە جانە ولاردىڭ وتباسى مۇشەلەرىنە، قوعامدىق ءتارتىپتى قورعاۋ، قوعامدىق قاۋىپسىزدىكتى قامتاماسىز ەتۋ جانە قىلمىستىلىققا قارسى ءىس-قيمىل جاساۋ جونىندەگى قىزمەتتىك نەمەسە قوعامدىق بورىشىن اتقارىپ جۇرگەن ادامدارعا جاسالعان شابۋىلعا تويتارىس بەرۋ جاعدايىندا قولدانادى»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

مۇنىمەن قوسا، قىزمەتكەرلەر اتىس قارۋىن جانە وزگە دە قارۋدى:

- جەكە ادامداردىڭ تۇرعىن ءۇي-جايلارىنا، قۇقىق قورعاۋ ورگاندارى كۇزەتەتىن وبەكتىلەرگە، مەملەكەتتىك ۇيىمداردىڭ ءۇي-جايلارىنا جاسالعان شابۋىلعا تويتارىس بەرۋ، قىزمەتتىك نەمەسە اسكەري ناريادقا جاسالعان شابۋىلعا تويتارىس بەرۋ؛

- قۇقىق قورعاۋ ورگانىنىڭ اتىس قارۋىن جانە وزگە دە قارۋدى، ارنايى كولىك قۇرالىن تارتىپ الۋ ارەكەتتەرىنىڭ جولىن كەسۋ؛

- قارسىلىق كورسەتەتىن نەمەسە قىلمىس جاساۋ كەزىندە ۇستىنەن تۇسكەن، قاماۋدان قاشقان ادامداردى (اكىمشىلىك قاماقتا ۇستالاتىنداردان باسقا) ۇستاۋ، قارۋلانعان ادامداردى ۇستاۋ؛

- ەگەر كولىك جۇرگىزۋشى قىزمەتكەردىڭ زاڭدى تالاپتارىنا باعىنباسا جانە جەكە ادامداردىڭ ءومىرى مەن دەنساۋلىعىنا قاتەر توندىرسە، كولىك قۇرالدارىنا اقاۋ كەلتىرۋ ارقىلى ولاردى توقتاتۋ؛

- قارۋ قولدانۋ نيەتى تۋرالى ازاماتتارعا ەسكەرتۋ، دابىل سيگنالىن بەرۋ نەمەسە كومەككە شاقىرۋ ءۇشىن قولدانۋعا قۇقىعى بار.

سونىمەن قاتار، قىزمەتتىك قارۋدى پوليتسيا قىزمەتكەرلەرى بارلىق باسقا دا قاجەت قورعانىس جاعدايلارىندا قولدانا الادى.