پوليتسيا ءۇي-ءۇيدى ارالاپ جۇرگەنى راس پا؟
استانا. KAZINFORM — ىشكى ىستەر مينيسترلىگى جالعان پوليتسەيلەر تۋرالى اقپاراتقا پىكىر ءبىلدىردى، - دەپ حابارلايدى stopfake.kz.

WhatsApp تا وزدەرىن پوليتسيا وكىلدەرى دەپ تانىستىراتىن ادامدار ۇيلەردى ارالاپ جۇرگەنى تۋرالى اقپارات تارادى. ولار جەكە كۋالىكتەردى تەكسەرىپ، بيومەتريالىق مالىمەتتەردى جينايدى ەكەن.
جەلىدە تاراعان اقپاراتتا سۋرەتتەر مەن اۋديوفايلدار دا بار. وندا ءبىر ايەل كۇدىكتىلەردىڭ پلانشەتتەرى بارىن جانە ۇيگە كىرۋگە ءتۇرلى سىلتاۋ تاباتىنىن ايتادى.
ق ر ىشكى ىستەر مينيسترلىگىنىڭ باسپا ءسوز قىزمەتى بۇل حابارلاماعا قاتىستى تۇسىنىكتەمە بەردى.
«بۇل اقپارات شىندىققا جاناسپايدى. ءى ءى م الەۋمەتتىك جەلىلەردى پايدالانۋشىلارعا ب ا ق نەمەسە اقپاراتتىق-كوممۋنيكاتسيالىق جەلىلەردى پايدالانا وتىرىپ، كورىنەۋ جالعان اقپارات تاراتۋ جاۋاپكەرشىلىككە اكەپ سوعاتىنىن ەسكە سالادى. تەك رەسمي دەرەككوزدەرگە سەنۋگە شاقىرامىز»، - دەپ جازىلعان ق ر ءى ءى م رەسمي حابارلاماسىندا.