پوليسيا 25 جىل بۇرىن ورال قالاسىندا بولعان ەكى ادام ءولتىرۋ قىلمىسىن اشتى

استانا. KAZINFORM - ىشكى ىستەر مينيسترلىگى پروكۋراتۋرامەن بىرلەسىپ، 25 جىل بۇرىن ورالدا بولعان ادام ءولتىرۋ قىلمىسىن اشتى، دەپ حابارلايدى Polisia.kz.

қылмыс
Фото: Polisia.kz

جۇرگىزىلگەن جەدەل ءىس- شارالاردىڭ ناتيجەسىندە ەكى كۇدىكتى - تاپسىرىس بەرۋشى مەن ورىنداۋشى ۇستالدى.

قايعىلى وقيعا 2000 - جىلدىڭ جەلتوقسانىندا ورىن العان. وندا ەكى تۇرعىن وق جاراقاتىنان قازا تاپقان. قىلمىستىڭ جاسالۋىنا قارجىلىق كەلىسپەۋشىلىك سەبەپ بولعان.

- تىكەلەي دالەلدەردىڭ بولماۋىنا بايلانىستى قىلمىس ۇزاق ۋاقىت بويى اشىلمادى. الايدا جەدەل - تەرگەۋ توبىنىڭ مۇقيات جۇمىسىنىڭ ارقاسىندا وقيعالار تىزبەگىن قالپىنا كەلتىرىپ، كۇدىكتىلەردى انىقتاۋ مۇمكىن بولدى. سوتقا دەيىنگى تەرگەپ - تەكسەرۋ بارىسىندا ولاردىڭ قىلمىسقا قاتىستىلىعىن راستايتىن قوسىمشا ايعاقتار الىندى. قىلمىستىق ءىس "الدىن الا ءسوز بايلاسۋ بويىنشا توپتىڭ ەكى نەمەسە ودان دا كوپ ادامدى ءولتىرۋى" بابى بويىنشا جۇرگىزىلۋدە. "زاڭ جانە ءتارتىپ" قاعيداتىن قامتاماسىز ەتۋ جۇمىسى ەرەكشە باقىلاۋدا، - دەپ اتاپ ءوتتى ءىىم كريمينالدىق پوليتسيا دەپارتامەنتىنىڭ باستىعى قانات نۇرماعامبەتوۆ.

سوڭعى جاڭالىقتار