وليمپياداشىلارىمىز كانۆوننان ەلگە سالەم جولدادى

استانا. KAZINFORM - بۇگىن قازاقستاندىق جاس ءوسپىرىم وليمپياداشىلارىمىز بايراقتى دودا وتەتىن وڭتۇستىك كورەيانىڭ كانۆون قالاسىنان ەلگە سالەم جولدادى.

قازاقستاندىق سپورتشىلار وليمپيادالىق قالاشىق الدىنا جينالىپ، وزدەرىنىڭ وليمپياداعا دايىندىعى تۋرالى ايتادى. سونداي-اق، مەدال ءۇشىن تالاستا ايانىپ قالمايتىندارىن جەتكىزىپ، سوڭىندا «قازاقستانعا سالەم» دەپ بارلىعى ءبىر داۋىستا سالەمىن جولدادى.

ەستەرىڭىزگە سالا كەتەيىك، وليمپيادا ويىندارىنىڭ الاۋى 19- قاڭتار كۇنى تۇتانادى. كانۆون پروۆينتسياسىنىڭ كاننىن قالاسىندا وتەتىن جىلدىڭ باستى جارىسىندا قازاقستان جاس وسپىرىمدەر قۇراماسى ساپىندا 42 سپورتشى 5 سپورت تۇرىنەن باق سىناپ، 55 جۇلدە جيىنتىعىن ساراپقا سالادى.

اتاپ ايتار بولساق، بياتلون، كەرلينگ، كونكيمەن جۇگىرۋ، شورت-ترەك، شايبالى حوككەي، شاڭعى جارىسى، شاڭعىمەن تۇعىردان سەكىرۋ، شاڭعى قوسسايىسى، تاۋ شاڭعىسى، فريستايلدان پاراللەلدى موگۋل بويىنشا سىنعا تۇسەدى.

 

كانۆونداعى قىسقى جاس وسپىرىمدەر وليمپياداسى 1- اقپان كۇنى مارەسىنە جەتەدى. اتالعان جارىسقا الەمنىڭ 50 مەملەكەتىنەن 1800 سپورتشى قاتىسادى. 7 سپورت تۇرىنەن (15 ديستسيپلينا) 81 مەدال جيىنتىعى ساراپقا سالىنادى.

وليمپيادانىڭ اشىلۋ سالتاناتىندا قازاقستان تۋىن كونكيمەن جۇگىرۋدەن پەتروپاۆلدان ۇلتتىق قۇرامانىڭ مۇشەسى كريستينا شۋمەكوۆا مەن ورالدىق شورت-ترەكشى ەراسىل شىڭعىسحان الىپ شىعادى.

اۆتور كۇنسۇلتان وتارباي