وليمپيادا تۋى لوس-اندجەلەسكە تابىس ەتىلدى
استانا. قازاقپارات - XXXIII وليمپيادا ويىندارىنىڭ جابىلۋ سالتاناتى اياسىندا وليمپيادا تۋى 2028 -جىلى ويىنداردى قابىلدايتىن قالاعا تابىس ەتىلدى.
2024 -جىلعى وليمپيادانى ۇيىمداستىرۋ كوميتەتىنىڭ باسشىسى توني ەستانگە مەن حالىقارالىق وليمپيادا كوميتەتىنىڭ پرەزيدەنتى توماس باح ءسوز سويلەگەننەن كەيىن وليمپيادا ءانۇرانى شىرقالدى.
ودان كەيىن وليمپيادا تۋىن تاپسىرۋ ءراسىمى ءوتتى.
وليمپيادا تۋىنىڭ تاپسىرىلۋى جابىلۋ سالتاناتىنداعى سيمۆوليكالىق ءسات بولىپ ەسەپتەلەدى. لوس-اندجەلەس كەلەسى وليمپيادا ويىندارىن قابىلدايتىن قالا بولدى.
پاريج مەرى انن يدالگو مەن لوس-اندجەلەس ءمەرى كارەن باسس، حالىقارالىق وليمپيادا كوميتەتىنىڭ (ح و ك) پرەزيدەنتى توماس باح ساحناعا شىقتى.
وسىدان كەيىن انن يدالگو وليمپيادا تۋىن توماس باحقا تاپسىردى، ال ول كارەن باسسقا تاپسىردى.
سودان كەيىن H. E. R ساحنالىق اتىمەن تانىمال امەريكالىق ءانشى گابريەللا سارمەنتو ۋيلسون ا ق ش ءانۇرانىن ورىندادى.
اۆتور
ەلميرا ورالبايەۆا
