07:59, 19 - شىلدە 2024 | GMT +6
وليمپيادا: تەننيس جارىسىندا قازاقستاندىق تورەشىلەر قازىلىق ەتەدى
استانا. KAZINFORM - پاريج وليمپياداسىنىڭ تورەشىلەر قۇرامىنا تەننيستەن قازاقستاننان مەرۋەرت كاۋكەيەۆا مەن يۋليا يگناتچەنكو ەندى.
قازاقستان تەننيس فەدەراتسياسىنان ءمالىم ەتكەنىندەي، مەرۋەرت پەن يۋليا - كۇمىس بەلگىسى بار حالىقارالىق دارەجەدەگى مىنبەدەگى تورەشىلەر.
م. كاۋكەيەۆا مەن يۋ. يگناتچەنكو ءۇشىن بۇل ەكىنشى وليمپيادا بولماق. ولار وسىعان دەيىن 2021-جىلى توكيودا تورەلىك ەتكەنى بەلگىلى.
وليمپيادا ويىندارىندا قازاقستان نامىسىن جەكەلەي سىندا ەلەنا رىباكينا مەن يۋليا پۋتينتسيەۆا، ەرلەردەن الەكساندر بۋبليك پەن الەكساندر شيەۆچەنكو قورعايدى. سونداي-اق جۇپتىق سىندا ا. بۋبليك پەن الەكساندر نەدوۆەسوۆ ونەر كورسەتەدى.
ەسكە سالا كەتەيىك، بۇدان بۇرىن الەكساندر نەدوۆەسوۆتىڭ شۆەتسياداعى تۋرنيردىڭ شيرەك فينالىنا جولداما العانىن جازعان بولاتىنبىز.
