وليمپيادا الدىندا بوكسشىلار ۇيلەرىنە تاراپ كەتتى - باس باپكەر ايتجانوۆ

Басты мақсат – қазақ боксшыларын Олимпиаданың жеңіс тұғырынан көрсету – Мырзағали Айтжанов
Фото: kfb.kz

استانا. KAZINFORM - وسى جىلدىڭ باستى دوداسى پاريج وليمپياداسىنىڭ الدىندا بوكسشىلار ءبىر اپتاعا دەمالىپ، تىنىعۋ ءۇشىن ۇيلەرىنە تاراپ كەتتى.

بۇل تۋرالى kazinform تىلشىسىنە بوكستان ۇلتتىق قۇرامانىڭ باس باپكەرى مىرزاعالي ايتجانوۆ ايتتى.

«ءبىز وسىعان دەيىن الماتى وبلىسىنداعى «اقبۇلاق» وليمپيادالىق ورتالىعىندا جاتتىعۋ جيىنىن ءساتتى وتكىزدىك. جىگىتتەرىمىز ناعىز بابىندا دەپ ويلايمىن. كەشە عانا بارلىق بوكسشىلاردى ءبىر اپتاعا ۇيلەرىنە تاراتىپ جىبەردىم. ولار دا وليمپيادا الدىندا وزدەرىنىڭ وتباسىندا، اتا-اناسىنىڭ قاسىندا دەمالىپ، تىنىعىپ السىن دەدىك. ءبىر اپتادان كەيىن قايتا جينالامىز. وليمپياداعا سوڭعى دايىندىقتى تۇركىستان وبلىسىنداعى «الما تاۋ» بازاسىندا 9-21-شىلدە ارالىعىندا وتكىزۋدى جوسپارلاپ وتىرمىز»، - دەدى مىرزاعالي قۇلان ۇلى.

سونىمەن قاتار، وليمپيادا ويىندارىندا وڭاي قارسىلاس جوق ەكەنىن، دەسە دە، جۇلدە ءۇشىن شاكىرتتەرى ايانىپ قالمايتىنىن اتاپ ءوتتى.

«وليمپيادا ويىندارىنا الەمنىڭ ەڭ ۇزدىك بوكسشىلارى بارادى. ول جەرگە باراتىن بوكسشىلار وڭاي شاعىلا قالاتىن جاڭعاق ەمەس. سوندىقتان، ءار جەكپە-جەك وڭاي بولماسى انىق. دەسە دە، ءبىز جۇلدەگە تالاسۋعا، وليمپيادانىڭ جەڭىس تۇعىرىنان كورىنۋگە بار كۇشىمىزدى سالامىز. باستى ماقساتىمىز - كەمىندە ءبىر التىن الۋ»، - دەدى باس باپكەر مىرزاعالي ايتجانوۆ.

ەستەرىڭىزگە سالا كەتەيىك، وليمپيادا ويىندارىندا ەرلەر قۇراماسىنان ساكەن بيبوسىنوۆ (51 كەلى)، ماحمۇد سابىرحان (57 كەلى)، مۇحامەدسابىر بازارباي ۇلى (63,5)، اسلانبەك شىمبەرگەنوۆ (71)، نۇربەك ورالباي (80 كەلى) ايبەك ورالباي (92 كەلى) جانە ەڭ اۋىر سالماق دارجەسى بويىنشا قامشىبەك قوڭقابايەۆ ەل نامىسىن قورعايدى.

پاريج وليمپياداسى -شىلدە مەن -تامىز ارالىعىندا وتەدى.

اۆتور كۇنسۇلتان وتارباي

سوڭعى جاڭالىقتار