گولوۆكيننىڭ قولعابى مەن رىباكينانىڭ تەنيس دوبى اۋكسيونعا قويىلادى
الماتى. KAZINFORM - ايگىلى بوكسشى گەننادي گولوۆكيننىڭ قولتاڭباسى بار قولعابى مەن تانىمال قازاقستاندىق سپورتشى ەلەنا رىباكينانىڭ قولتاڭباسى بار تەننيس دوبى قايىرىمدىلىق اۋكتسيونىنا قويىلادى.
«Assyltas» قوعامدىق قورىنىڭ باسپا ءسوز قىزمەتى حابارلاعانداي، GGG ءدىڭ 2017 -جىلى مەكسيكالىق ساۋل كانەلو الۆارەسپەن جۇدىرىقتاسقان قولعابى مەن رىباكينانىڭ قولتاڭباسى قويىلعان تەننيس دوبى جانە ونىڭ قازاقستان قۇراماسىنىڭ وليمپيادالىق كيىمى اۋكسيونعا شىعارىلادى. ودان تۇسكەن قاراجاتتى Assyltas قوعامدىق قورى كومەككە مۇقتاج ەگىزدەردىڭ ەمىنە جۇمسايدى.
اۋكسيون 1-ماۋسىمدا الماتىداعى HAS PRO BOXING بوكس كەشى وتەتىن ADD Arena كەشەنىندە بولادى.
ءتۋرنيردىڭ باستى وقيعاسى قازاقستاندىق ميراس ەرتانوۆ پەن WBC International بۇرىنعى چەمپيونى پولشالىق ۆيكتور كوتوچيگوۆ اراسىنداعى جەكپە-جەك بولماق.
