ولجاس بەكتەنوۆ: ورتالىق ازيا ەلدەرى مەن جاپونيا ىنتىماقتاستىقتى ارتتىرۋدا زور
استانا. KAZINFORM - مەملەكەت باسشىسىنىڭ تاپسىرماسى بويىنشا پرەمەر- مينيستر ولجاس بەكتەنوۆ «ورتالىق ازيا + جاپونيا» ديالوگى بيزنەس- فورۋمىنا قاتىستى، دەپ حابارلايدى ق ر ۇكىمەتىنىڭ باسپا ءسوز قىزمەتى.
فورۋم الاڭىندا ورتالىق ازيا ايماعى ەلدەرى مەن جاپونيا دەلەگاتسيالارىنىڭ 450 دەن استام وكىلى جينالدى. جاپونيانىڭ ىسكەر توپتارىنان Toyota Tsusho Corporation، Mitsubishi Heavy Industries EMEA، Ltd.، Mitsui Co.، Ltd ءىرى كومپانيالارىنىڭ باسشىلارى مەن مەنەدجەرلەرى، ساراپشىلار قاۋىمداستىعىنان سالالىق جوعارى وقۋ ورىندارىنىڭ عىلىمي قىزمەتكەرلەرى قاتىستى.
ەكونوميكالىق بايلانىستاردى نىعايتۋ جانە تسيفرلاندىرۋ، كولىك- لوگيستيكا سالاسى، ا ءو ك، اۋىر ونەركاسىپ سەكتورى جانە باسقا دا سالالارداعى ءوزارا ءىس- قيمىلدى كەڭەيتۋ پەرسپەكتيۆالارى تالقىلاندى.
ۇكىمەت باسشىسى ولجاس بەكتەنوۆ ءوزىنىڭ العى سوزىندە كوپجاقتى ىنتىماقتاستىقتى ارتتىرۋدىڭ نەگىزگى باعىتتارىن اتاپ ءوتتى.
«جاپونيا جاھاندىق اۋقىمداعى ەكونوميكالىق جانە تەحنولوگيالىق كوشباسشىلاردىڭ ءبىرى سانالادى. جاپون كومپانيالارىنىڭ ونىمدەرى ءوزىنىڭ ساپاسى، سەنىمدىلىگى جانە يننوۆاتسيالىق جاڭاشىلدىعىمەن تانىمال. بۇكىل الەمدەگى ادامداردىڭ تۇرمىس ساپاسىن جاقسارتۋعا باعا جەتپەس ۇلەس قوسىپ، پروگرەستىڭ الدىڭعى قاتارىنا شىققان مەملەكەت.
ءوز كەزەگىندە، ورتالىق ازيا - بۇل قارقىندى دامىپ كەلە جاتقان ايماق، ونىڭ دامۋ قارقىنى جوعارى جانە جان- جاقتى ىنتىماقتاستىق ءۇشىن بارلىق جاعداي جاسالعان. ءبىزدىڭ ايماعىمىزداعى ەلدەر مەن جاپونيا ىنتىماقتاستىقتى ۇدەمەلى كەڭەيتۋ ءۇشىن زور الەۋەتكە يە دەپ سانايمىن. جاپوندىق ينۆەستورلاردىڭ قاتىسۋىمەن ترانسۇلتتىق جوبالاردى جۇزەگە اسىرۋ ايماقتىڭ ەكونوميكالىق ءوزارا بايلانىسىنىڭ دەڭگەيىن ارتتىرۋعا ىقپال ەتەتىنى ءسوزسىز. بۇگىنگى ناتيجەلى كەلىسسوزدەر ءبىزدىڭ كوپجوسپارلى ارىپتەستىگىمىزدى ساپالى جاڭا دەڭگەيگە شىعارۋعا باعىتتالعان»، - دەپ اتاپ ءوتتى ولجاس بەكتەنوۆ.
پرەمەر- مينيستر ورتالىق ازيا مەن جاپونيانىڭ وزىق تەحنولوگيالار ترانسفەرتى جانە قوسىلعان قۇنى جوعارى ونىمدەر ءوندىرۋ سالاسىنداعى ءوزارا ءىس-قيمىلىنا نازار اۋداردى. بۇل باعىتتا بىرلەسكەن يننوۆاتسيالىق كلاستەرلەر، تەحنوپاركتەر مەن ينكۋباتورلار قۇرۋ مۇمكىندىگى اتاپ ءوتىلدى.
بۇگىندە ورتالىق ازيا وڭىرىندە مەملەكەتتىك باسقارۋ سەكتورىن، فينتەح يندۋسترياسىن جانە ەلەكتروندى كوممەرتسيانى ايتارلىقتاي جاڭعىرتۋعا مۇمكىندىك بەرەتىن بىرەگەي IT ەكوجۇيە قۇرىلۋدا. وسىعان بايلانىستى وا ەلدەرىنىڭ جاپونيامەن جاساندى ينتەللەكت تەحنولوگيالارىن ەنگىزۋ، داتا- ورتالىقتار سالۋ، كيبەرقاۋىپسىزدىكتى قامتاماسىز ەتۋ ماسەلەلەرىندەگى ىنتىماقتاستىعى بارلىق تاراپ ءۇشىن جەمىستى بولۋى مۇمكىن، دەپ اتاپ ءوتتى ۇكىمەت باسشىسى ولجاس بەكتەنوۆ. جاپونيادا قولدانىلاتىن جي، روبوتوتەحنيكا جانە عىلىمنىڭ باسقا دا وزىق جەتىستىكتەرىنە نەگىزدەلگەن اگروتەحنولوگيالار دا قىزىعۋشىلىق تۋدىرۋدا.
قارجى سەكتورىنداعى ءوزارا ءىس-قيمىلدى ارتتىرۋ جانە ايماقارالىق ارىپتەستىكتى تەرەڭدەتۋگە استانا حالىقارالىق قارجى ورتالىعى مەن توكيو قور بيرجاسى اراسىنداعى الەۋەتتى ىنتىماقتاستىق ەلەۋلى ۇلەس قوسا الادى.
سيرەك جەر مەتالدى كەن ورىندارىن يگەرۋدەگى ارىپتەستىكتى كەڭەيتۋگە جانە كولىك- لوگيستيكا سالاسىندا بىرلەسكەن جوبالاردى ىسكە اسىرۋعا نازار اۋدارىلدى. ورتالىق ازيانىڭ سولتۇستىككە، وڭتۇستىككە، شىعىس پەن باتىسقا شىعاتىن ترانزيتتىك الەۋەتى جاپون ەكسپورتى مەن يمپورتىنا ۇلكەن مۇمكىندىكتەر اشادى.
بيزنەس- فورۋمدا «KAZAKH INVEST» ۇ ك» اق باسقارما ءتوراعاسى ەرجان ەلەكەيەۆ، Marubeni Corporation ديرەكتورلار كەڭەسىنىڭ ءتوراعاسى فۋميا كوكۋبۋ جانە باسقا دا قاتىسۋشىلار ءسوز سويلەدى.
«ورتالىق ازيا + جاپونيا» ديالوگى اياسىنداعى بيزنەس- فورۋمنىڭ ناتيجەسىندە كوپجوسپارلى ارىپتەستىكتى جاڭا دەڭگەيگە شىعارۋعا ارنالعان بىرلەسكەن جوبالاردى ىسكە اسىرۋ جونىندەگى قۇجاتتارعا قول قويىلادى.
اۆتور
ەربول جانات
