ولجاس بەكتەنوۆ تۇرعىن ۇيلەردىڭ ساپاسى تۋرالى: ارىز- شاعىم كوپ

құрылыс
Фото: Ақмола облысының прокуратурасы

استانا. KAZINFORM - پرەمەر-ءمينيسترى ولجاس بەكتەنوۆ جاڭا تۇرعىن ۇيلەردىڭ ساپاسىن سىنعا الدى.

«قۇرىلىستىڭ ساپاسى مەن ونىڭ زاڭناماعا سايكەس كەلمەۋى - وزەكتى پروبلەما. تۇرعىندار تاراپىنان وسىعان قاتىستى ارىز-شاعىم كوپ، باسپانا العان ازاماتتاردىڭ قۋانىشتارى ۇزاققا سوزىلماي وتىر. مۇنداي مىسالداردى اقپارات قۇرالدارىنان ءجيى كورە الامىز»، - دەدى ولجاس بەكتەنوۆ ۇكىمەت وتىرىسىندا.

ۇكىمەت باسشىسىنىڭ ايتۋىنشا، ساپاسىز قۇرىلىس تۇرعىنداردىڭ عانا پروبلەماسى بولىپ قالماۋى ءتيىس.

«قۇرىلىس كومپانيالارى وزدەرىنە العان مىندەتتەمەنى تولىق ورىنداۋعا جانە قۇرىلىستىڭ ساپاسىن قامتاماسىز ەتىپ، كەمشىلىكتەردى تەز ارادا جويىپ وتىرۋى كەرەك. ەڭ باستىسى بارلىق ءۇيدى مەرزىمىندە تاپسىرۋ ءۇشىن قاتاڭ باقىلاۋ قاجەت. سونداي-اق، ءبىراز وڭىردە ينجەنەرلىك جەلىلەردى جۇرگىزۋگە بولىنگەن قاراجات ءتيىمدى يگەرىلمەي وتىر»، - دەيدى ول.

بۇعان دەيىن و. بەكتەنوۆ استانادا G- Park كومپانياسىنىڭ رەسمي قۇجاتسىز تۇرعىن ۇيلەر سالىپ جاتقانىن ايتقان ەدى.

اۆتور

داۋلەت ىزتىلەۋ

سوڭعى جاڭالىقتار