ولجاس بەكتەنوۆ قىزىلوردا ەنەرگەتيكالىق ينفراقۇرىلىمىنىڭ جىلۋ بەرۋ ماۋسىمىنا دايىندىعىن تەكسەردى
قىزىلوردا. KAZINFORM - الداعى جىلىتۋ ماۋسىمىنا دايىندىق اياسىندا پرەمەر- مينيستر ولجاس بەكتەنوۆ قىزىلوردا وبلىسىندا جاڭا جەو قۇرىلىسىنىڭ بارىسىمەن تانىستى.
سونداي-اق الداعى ۋاقىتتا شىنى كلاستەرى قۇرىلاتىن تاباق شىنى وندىرەتىن ينۆەستيتسيالىق جوباعا بارىپ، مەملەكەت باسشىسىنىڭ وڭدەۋ ونەركاسىبىنىڭ ۇلەسىن ۇلعايتۋ جونىندەگى تاپسىرماسىنىڭ ورىندالۋىن تەكسەردى. بۇل تۋرالى ۇكىمەتتىڭ باسپا ءسوز قىزمەتى حابارلادى.
ءوڭىر تۇرعىندارىن 1964 -جىلى پايدالانۋعا بەرىلگەن جەو جىلۋمەن قامتاماسىز ەتىپ وتىر. بۇگىنگى تاڭدا جابدىقتىڭ توزۋى %75 دى قۇرايدى. ورتالىقتاندىرىلعان جىلۋمەن جابدىقتاۋ جۇيەسىنە 2949 نىسان، ونىڭ ىشىندە 808 كوپپاتەرلى ءۇي قوسىلعان. بيىل وسى وبەكتىلەردى ىستىق سۋمەن قامتاماسىز ەتۋ ءۇشىن پرەزيدەنت قويعان مىندەتتى ىسكە اسىرۋ شەڭبەرىندە ۇكىمەت رەزەرۆىنەن 11 ميلليارد تەڭگە، قالالىق قازاندىقتاردى جوندەۋگە تاعى 2 ميلليارد تەڭگە ءبولىندى. سونىمەن قاتار جىلۋ جەلىلەرىن جاڭعىرتۋعا رەسپۋبليكالىق بيۋدجەتتەن 6 ميلليارد تەڭگە باعىتتالدى. قابىلدانىپ جاتقان شارالار جىلۋ تراسسالارىنىڭ توزۋىن %42 عا دەيىن تومەندەتۋگە مۇمكىندىك بەرەدى.
سونداي- اق پرەمەر- مينيسترگە جىلۋ قۋاتى ساعاتىنا 277 گكال بولاتىن جاڭا ج ە و قۇرىلىسىنىڭ قارقىنى تۋرالى باياندالدى. قازىرگى ۋاقىتتا جەر قازۋ جۇمىستارى اياقتالدى، جابدىقتى ورناتۋعا نەگىز قالانۋدا - الاڭعا 600 گە جۋىق ادام جانە 60 بىرلىك تەحنيكا جۇمىلدىرىلدى. قۇرىلىس جۇمىستارى جوسپارعا سايكەس ءجۇرىپ جاتىر. نىساندى 2025 -جىلى پايدالانۋعا بەرۋ جوسپارلانعان. قازىرگى تاڭدا ينۆەستور جوبانى ىسكە اسىرۋعا 70 ميلليارد تەڭگەدەن استام ينۆەستيتسيا سالدى. ولجاس بەكتەنوۆ ەل ەكونوميكاسىنىڭ بەلسەندى دامۋىنا جانە ونەركاسىپتىك كاسىپورىنداردىڭ ىسكە قوسىلۋىنا بايلانىستى قوسىمشا ەنەرگيا قۋاتى قاجەت ەكەنىن اتاپ ءوتتى.
«جاڭا ج ە و قۇرىلىسى مەملەكەت باسشىسىنىڭ ەرەكشە باقىلاۋىندا. ونىڭ ىسكە قوسىلۋى وڭتۇستىك وڭىرلەردەگى ەلەكتر ەنەرگياسىنىڭ جۇكتەمەسىن تۇراقتاندىرۋعا جانە تۇتاستاي العاندا ەلىمىزدىڭ ەنەرگەتيكالىق قاۋىپسىزدىگىن نىعايتۋعا وڭ اسەرىن تيگىزەدى»، - دەپ اتاپ ءوتتى پرەمەر- مينيستر.
قىزىلوردا وبلىسىنىڭ اكىمدىگىنە گاز جەتكىزۋشى قۇبىر مەن ج ە و قۇرىلىسىن ۋاقىتىلى اياقتاۋ، سونداي-اق بارلىق وبەكتىلەردىڭ جىلۋ بەرۋ ماۋسىمىنا دايىندىعىن قامتاماسىز ەتۋ جونىندە تاپسىرما بەرىلدى.
قىزىلوردا وبلىسى وڭدەۋ ونەركاسىبىندە وندىرىلگەن ءونىم كورسەتكىشىنىڭ ءوسۋ قارقىنى بويىنشا كوش باستاپ تۇر. وبلىس اكىمىنىڭ ورىنباسارى ارداق زەبەشيەۆ پرەمەر- مينيسترگە وڭىردەگى ونەركاسىپتىڭ دامۋى تۋرالى باياندادى. 2024 -جىلدىڭ 5-ايىندا ەكونوميكانىڭ وسى سەكتورى %6,3 ءوسىم كورسەتتى، ينۆەستيتسيالار كولەمى %40 عا ءوستى، ونىڭ %80 جەكە سالىمدار. 2024-2028 -جىلدار ارالىعىندا 8,4 مىڭ جۇمىس ورنىن قۇرۋمەن جالپى سوماسى 1,1 تريلليون تەڭگەگە 76 جوبانى ىسكە اسىرۋ كوزدەلگەن. وسى جىلدىڭ وزىندە 32,4 ميلليارد تەڭگە سوماسىنا 15 جوبا ىسكە قوسىلماق. شىنى زاۋىتىنىڭ ىسكە قوسىلۋى دامۋعا ايرىقشا سەرپىن بەردى، وندا قازىرگى تاڭدا شىنى كلاستەرىن قۇرۋ جۇمىستارى باستالدى. كاسىپورىن جۇمىس ىستەگەن ۋاقىت ىشىندە 27,3 ميلليارد تەڭگە سوماسىنا 20,8 ميلليون m2 شىنى ءوندىرىلدى. بۇگىندە كاسىپورىن $15 ميلليون كولەمىندەگى ءوز قاراجاتىنا قۋاتى جىلىنا 5 ميلليون m2 بولاتىن ەنەرگيا ۇنەمدەيتىن شىنى شىعاراتىن جاڭا جەلىنى ىسكە قوستى.
ولجاس بەكتەنوۆ قازاقستان ەكونوميكاسى ءۇشىن ماڭىزدى جوبالارعا قاراجات سالۋعا دايىن ينۆەستورلارعا قولداۋ كورسەتۋ قاجەتتىگىن اتاپ ءوتتى.
جۇمىس ساپارى اياسىندا جول- كولىك ينفراقۇرىلىمىن دامىتۋ ماسەلەسىنە نازار اۋدارىلدى. اتاپ ايتقاندا، « قىزىلوردا - جەزقازعان»، « قىزىلوردا - ءۇشقۇدىق» اۆتوموبيل جولدارىن سالۋ جانە «قىزىلوردا - اقتوبە» اۆتوماگيسترالىن رەكونسترۋكتسيالاۋ جوبالارى بار. كولىك مينيسترلىگىنە قاجەتتى جۇمىستاردى جۇرگىزۋگە جانە جوبالاردى ۋاقىتىلى اياقتاۋعا ءتيىستى قۇجاتتاردى رەسىمدەۋ جونىندە تاپسىرمالار بەرىلدى.
