ولجاس بەكتەنوۆ پەن ابدۋللا اريپوۆ الماتىداعى كولىك جانە سيفرلىق ينفراقۇرىلىم نىساندارىنا باردى
الماتى. KAZINFORM - قازاقستان ۇكىمەت باسشىسى ولجاس بەكتەنوۆ پەن وزبەكستان پرەمەر-ءمينيسترى ابدۋللا اريپوۆ قالاداعى قوعامدىق كولىكتى ديسپەتچەرلىك باسقارۋ ورتالىعىنا باردى. وزبەكستان پرەمەر-مينيسترىنە قازاقستاندىق سيفرلىق شەشىمدەر تانىستىرىلدى.
بۇل تۋرالى ۇكىمەتتىڭ باسپا ءسوز قىزمەتى ءمالىم ەتتى.
الماتى قالاسى كولىك حولدينگىنىڭ وكىلى سادير حامرايەۆ ONAY ەلەكتروندى بيلەت ساتۋ جۇيەسىن تانىستىردى. بۇگىندە مەگاپوليس پەن اگلومەراتسيا حالقى 3 ميلليوننان اسادى، ونىڭ ىشىندە 1,7 ميلليون جولاۋشى قوعامدىق كولىكپەن جىلىنا شامامەن 444 ميلليون رەت قاتىنايدى. 3507 ايالداما، 222 بۇرىلىس الاڭى سيفرلاندىرىلدى. ديسپەتچەرلەر 3 مىڭنان استام اۆتوبۋس پەن تروللەيبۋستىڭ جۇمىسىن تاۋلىك بويى قامتاماسىز ەتەدى.
«قوعامدىق كولىكتە قولما-قول اقشاسىز تولەم جۇيەسىن ەنگىزۋ تاسىمالداۋشىلاردىڭ كىرىسىن كولەڭكەلى ەكونوميكادان شىعارۋعا مۇمكىندىك بەردى. 2016-جىلى جول ءجۇرۋ اقىسىنا ەلەكتروندى تولەم جاساۋ جۇيەسى ەنگىزىلگەلى بەرى جولاۋشىلار تاسىمالى نارىعىنىڭ كولەمى 3,2 ەسەگە دەيىن - 31,8 ميلليارد تەڭگەگە ارتتى»، - دەلىنگەن حابارلامادا.
ايتا كەتۋ كەرەك، الماتى تۇرعىندارىنىڭ الەۋمەتتىك كارتاسىن ازىرلەۋ جوباسى اياسىندا 15 دەربەستەندىرىلگەن كارتا ءتۇرى ارقىلى جەڭىلدىكپەن جول ءجۇرۋ قۇقىعى بار ازاماتتاردىڭ ساناتتارى سيفرلاندىرىلدى.
«سونىمەن قاتار قوعامدىق كولىكتىڭ ورتاشا پايدالانۋ مەرزىمىن 2016-جىلعى 13 جىلدان 2023-جىلدان باستاپ 3 جىلعا دەيىن قىسقارتۋ جانە جىلجىمالى قۇرامدى جاڭارتۋ بويىنشا قازاقستان تاجىريبەسى ۇسىنىلدى. بۇل رەتتە جىلجىمالى قۇرامنىڭ سانى ارتىپ كەلەدى. بيىل ورتاشا پايدالانۋ مەرزىمى 2,5 جىلدان اسپايتىن اۆتوبۋستار سانىن 4 مىڭ بىرلىككە دەيىن جەتكىزۋ جوسپارلانىپ وتىر»، - دەپ حابارلادى ۇكىمەتتىڭ باسپا ءسوز قىزمەتى.
سونداي-اق قاۋىپسىزدىكتى قامتاماسىز ەتۋ شارالارىنا نازار اۋدارىلدى. مەترو ستانسالارى مەن ايالدامالارداعى بەينەكامەرالاردىڭ جازبالارىن كورۋگە بولاتىن الماتى قالاسىنىڭ ءبىرىڭعاي بەينەباقىلاۋ جۇيەسى تانىستىرىلدى.
جۇمىس ساپارى بارىسىندا تاراپتار بيىل ناۋرىز ايىندا اشىلعان Yandex Qazaqstan كومپانياسىنىڭ جاڭا كەڭسەسىنە باردى. بۇل - بۇگىندە ياندەكستىڭ ورتالىق ازياداعى ەڭ ۇلكەن كەڭسەسى. كاسىپورىن بەلسەندى تۇردە لوكاليزاتسيالانۋدا. قازىرگى ۋاقىتتا قازاقستاندا 750 دەن استام قىزمەتكەر جۇمىس ىستەيدى.
ۇكىمەت باسشىلارىنا قازاقستاندىق پايدالانۋشىلار مەن بيزنەس-سەكتوردىڭ قاجەتتىلىكتەرىنە سايكەس بەيىمدەلگەن ىزدەۋ جۇيەلەرى، كارتالار، كولىك سەرۆيستەرى سەكىلدى قىزمەت تۇرلەرى تانىستىرىلدى. Yandex حالىقارالىق IT كومپانياسى جيىنتىقتى تەحنولوگيالارعا، قازاق تىلىندە سويلەۋ سينتەزىنە، ينتەرنەتتەن اقپارات ىزدەۋ مەن جاساندى ينتەللەكتىنى دامىتۋعا ينۆەستيتسيا سالادى. سونداي-اق «اليسامەن» قازاق تىلىندەگى ينتەراكتيۆتى اڭگىمە تانىستىرىلدى.
قازاق تىلىندە قويىلعان سۇراقتاردىڭ %68 ءبىلىم بەرۋ ماسەلەسىنە باعىتتالعانى اتاپ ءوتىلدى. وسىعان بايلانىستى بىلتىر قازاقستان جاستارىنا قولجەتىمدى بولۋى ءۇشىن 15 ميلليون ماقالا مەملەكەتتىك تىلگە اۋدارىلدى.
بۇعان قوسا، تاكسيدەگى باعا الگوريتمىنە ەرەكشە نازار اۋدارىلدى.
• Lumiere Hall جاڭا مەديا سالاسىنداعى مادەني-ءبىلىم بەرۋ ورتالىعىنىڭ مىسالىندا كرەاتيۆتى يندۋستريانى دامىتۋ ماسەلەسى تالقىلاندى. مۋلتيمەديالىق مۋزەي - عىلىم، تەحنولوگيا جانە ونەر سالالارىنىڭ توعىسقان جوباسى.
• Lumiere Hall مۋلتيمەديالىق مۋزەيىنىڭ قۇرىلتايشىسى پولينا ەگارمين كورمەدە سيرەك كەزدەسەتىن كارتينالار، سونىڭ ىشىندە سالۆادور ءداليدىڭ ءتۇپنۇسقاداعى جۇمىستارى، سونداي-اق مۋزەيدىڭ باسقا دا ءبىلىم بەرەتىن جانە مادەني باستامالارى، كەلۋشىلەرگە ءتيىستى اتموسفەرا قۇرىپ، ونەر الەمىنە ساياحات جاساۋعا مۇمكىندىك بەرەتىن تەحنولوگيالار كوپشىلىككە ۇسىنىلعانىن ايتتى. مۋزەي ەكسپوناتتارىن سيفرلاندىرۋ مادەني مۇرانى جۇرتشىلىققا بارىنشا قولجەتىمدى ەتەدى.
