ولجاس بەكتەنوۆ كەنتاۋ ج ە و- نىڭ جاڭعىرتۋ جۇمىستارىمەن تانىستى
استانا. KAZINFORM – ق ر پرەمەر-ءمينيسترى ولجاس بەكتەنوۆ تۇركىستان وبلىسىنا جۇمىس ساپارى اياسىندا كەنتاۋ قالاسىنداعى جىلۋ ورتالىعى مەن ترانسفورماتور زاۋىتىنىڭ جۇمىسىمەن تانىستى، - دەپ حابارلايدى ۇكىمەتتىڭ باسپا ءسوز قىزمەتى.
باسپا ءسوز قىزمەتىنىڭ مالىمەتتەرىنە قاراعاندا، 1934-جىلى سالىنعان كەنتاۋ ج ە و - قالا تۇرعىندارىن ورتالىقتاندىرىلعان جىلۋمەن قامتاماسىز ەتەتىن ستراتەگيالىق نىسان. مۇنداعى جابدىقتىڭ توزۋ دەڭگەيى %87 دى قۇرايدى. اتالعان نىساندا سوڭعى رەت كۇردەلى جوندەۋ 10 جىلدان استام ۋاقىت بۇرىن جۇرگىزىلگەن.
وسىعان بايلانىستى مەملەكەت باسشىسىنىڭ تاپسىرماسى بويىنشا كەنتاۋ تۇرعىندارىن جانە الەۋمەتتىك نىسانداردى ساپالى جىلۋمەن قامتاماسىز ەتۋ ماقساتىندا «كەنتاۋ ق. جەو «7,8,9,10,11,12- قازاندىقتارىن كۇردەلى جوندەۋ» جوباسى ازىرلەنىپ، مەملەكەتتىك ساراپتامانىڭ وڭ قورىتىندىسى الىندى. بۇعان دەيىن دەمەۋشىلەر ەسەبىنەن ۇزىندىعى 4,7 شاقىرىمدى قۇرايتىن جىلۋ ماگيسترالى، ءتورت قازاندىق جوندەلدى. بيىلعى ءساۋىر ايىندا قالعان ەكى قازاندىقتى جوندەۋ جۇمىستارى باستالادى، اياقتالۋ مەرزىمى - 2025-جىلدىڭ سوڭى.
«ج ە و- داعى ەلەكتر ەنەرگياسىنىڭ گەنەراتسياسى ورتالىقتىڭ ءوز قاجەتتىلىكتەرىن وتەۋگە دە جەتپەيدى، ال تاريف كۇردەلى جوندەۋ جۇمىستارىن جۇرگىزۋگە مۇمكىندىك بەرمەيدى. وسىعان بايلانىستى ەنەرگەتيكا، قارجى مينيسترلىكتەرىنە جىلۋمەن قامتۋ قىزمەتتەرىن ساپالى ۇسىنۋ جانە الداعى جىلىتۋ ماۋسىمىنىڭ تۇراقتى ءوتۋىن قامتاماسىز ەتۋ ماقساتىندا جوندەۋ جۇمىستارىن قارجىلاندىرۋ نۇسقالارىن قاراستىرۋدى تاپسىرامىن»، - دەپ اتاپ ءوتتى ولجاس بەكتەنوۆ.
سونداي-اق پرەمەر-مينيستر كەنتاۋ ترانسفورماتور زاۋىتىنىڭ وندىرىستىك سەحىندا بولدى. بۇل – 700 دەن استام ادامدى جۇمىسپەن قامتىپ وتىرعان كەنتاۋ قالاسىنداعى نەگىزگى ءىرى ءارى قالا قۇراۋشى كاسىپورىن. زاۋىتتا جالپى ماقساتتاعى جانە ەلەكترلەندىرىلگەن تەمىرجول كولىگى ءۇشىن كۇشتىك ترانسفورماتورلار، سونداي-اق ترانسفورماتورلىق قوسالقى ستانسالار شىعارىلادى. كاسىپورىننىڭ قۋاتى جىلىنا 20 مىڭ ءونىمدى قۇرايدى، بۇل رەتتە ءونىمنىڭ %30 ەكسپورتقا شىعارىلادى.
كاسىپورىندا ولجاس بەكتەنوۆ شىعارىلاتىن ونىمدەردىڭ تەحنيكالىق سيپاتتامالارى مەن كونسترۋكتسياسىن جەتىلدىرۋ بويىنشا جۇرگىزىلىپ جاتقان جۇمىستارمەن، زاۋىتتىڭ وندىرىستىك قۋاتىن كەڭەيتۋ شارالارىمەن تانىستى. ناتيجەسىندە، ۇكىمەت باسشىسى وتاندىق ەلەكتر جابدىقتارىن ءوندىرۋشى ءۇشىن قوسىمشا وندىرىستىك جۇكتەمەنىڭ ماڭىزدىلىعىن اتاپ ءوتتى. سونىمەن قاتار كاسىپورىن ءوندىرىستى كەڭەيتۋ جانە ۇلعايتۋ، تەحنولوگيالىق وپەراتسيالاردى جاڭعىرتۋ جانە تسيفرلاندىرۋ بويىنشا قارسى مىندەتتەمەلەردى قابىلداۋى ءتيىس.
مۇندا ۇكىمەت باسشىسىنا وڭدەۋ ونەركاسىبىن دامىتۋ جانە ينۆەستيتسيالىق جوبالاردى ىسكە اسىرۋ بارىسى تۋرالى باياندالدى. قازىرگى تاڭدا 2024-2027-جىلدارعا ارنالعان ينۆەستيتسيالىق جوبالار پۋلى ازىرلەندى. جالپى قۇنى 2,2 تريلليون تەڭگەنى قۇرايتىن 145 جوبانى ىسكە اسىرۋ 17,7 مىڭ جۇمىس ورنىن اشۋعا مۇمكىندىك بەرەدى. ونىڭ ىشىندە بيىل 116,8 ميلليارد تەڭگەگە 44 جوبا ىسكە اسىرىلاتىن بولادى. اتاپ ايتقاندا، كۇكىرت قىشقىلىن ءوندىرۋ، جۇگەرىنى تەرەڭ وڭدەۋ زاۋىتتارىن سالۋ جوبالارى، ماقتا-توقىما كلاستەرىن قۇرۋ جوسپارلارى تانىستىرىلدى. سونىمەن قاتار وڭىردە سىيىمدىلىعى 4 مىڭ توننالىق زاماناۋي كوكونىس قويماسىنىڭ قۇرىلىسى باستالدى.
پرەمەر-مينيستر ينۆەستورلاردى بەلسەندى تارتۋ ءۇشىن قولايلى بيزنەس-كليمات قالىپتاستىرۋ بويىنشا اكىمدىككە بارلىق قاجەتتى شارالاردى قابىلداۋ، ونىڭ ىشىندە شاعىن ونەركاسىپتىك پاركتەر مەن ارنايى يندۋستريالىق ايماقتاردىڭ اۋماعىن كەڭەيتۋ مىندەتىن قويدى.
