ولجاس بەكتەنوۆ جەكە كومپانيالاردى مۇقتاج ادامداردى قولداۋعا شاقىردى

وتىرىستا «سامۇرىق- قازىنا» قورىنىڭ باسقارما ءتوراعاسى نۇرلان جاقىپوۆ اكسيونەرلىك قوعامنىڭ الەۋمەتتىك باعىتتاعى جوبالارى تۋرالى مالىمەت بەرگەن. ۇكىمەت باسشىسى «سامۇرىقتى» وسى باستامالارىنا وزگە دە كومپانيالار ءۇن قوسۋ كەرەكتىگىن ايتتى.

- قور تاراپىنان اۋقىمدى جۇمىس اتقارىلىپ جاتىر. باسقا دا كۆازيمەملەكەتتىك، سونىمەن قاتار، جەكە كومپانيالاردى وسى باعىتتا بەلسەندى جۇمىس ىستەۋگە، قولداۋعا، مۇقتاج ادامدارعا، مۇمكىندىگى شەكتەۋلى ادامدارعا كومەك كورسەتۋگە، ءتيىستى قاجەتتى جاعداي جاساۋعا شاقىرامىن. شاقىرامىن، - دەدى ول.

بۇعان دەيىن ول ۇكىمەت «شىنايى مۇقتاج ادامدارعا عانا كومەك» قاعيداتىمەن جۇمىس ىستەيتىنىن ايتقان بولاتىن.