ولجاس بەكتەنوۆ «جاسىل ەكونوميكا» ينديكاتورلارىن وڭىرلىك دامۋ جوسپارلارىنا بىرىكتىرۋدى تاپسىردى
استانا. KAZINFORM - ۇكىمەتتە پرەمەر- مينيستر ولجاس بەكتەنوۆتىڭ توراعالىعىمەن وتكەن «جاسىل» ەكونوميكاعا كوشۋ جونىندەگى كەڭەس وتىرىسىندا مەملەكەت باسشىسىنىڭ 2060 -جىلعا قاراي كومىرتەگى بەيتاراپتىعىنا قول جەتكىزۋ جانە ەنەرگيا سىيىمدىلىعىن تومەندەتۋ جونىندەگى قازاقستان حالقىنا جولداۋىندا قويعان ماقساتتارىن ىسكە اسىرۋ ماسەلەلەرى قارالدى.
قويىلعان مىندەتتەردى ورىنداۋ جۇمىستارىنىڭ بارىسى تۋرالى «حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى» (ح ج ت ي ج و) ك ە ا ق باسقارما ءتوراعاسى ديدار قارىمساقوۆ باياندادى، سونداي-اق ءبىرقاتار ءوڭىر اكىمدەرىنىڭ باياندامالارى تىڭدالدى.
«جاسىل» ەكونوميكاعا كوشۋ تۇجىرىمداماسى قازاقستاندا 10 جىلدان استام ۋاقىت بويى جۇزەگە اسىرىلىپ كەلەدى. وسى كەزەڭدە ەلىمىزدە جاڭارتىلاتىن ەنەرگيا كوزدەرىنىڭ ۇلەسى %4,5 عا دەيىن جەتكىزىلدى. ءوندىرىس قالدىقتارىن قايتا وڭدەۋ دەڭگەيى %25 عا، تۇتىنۋ دەڭگەيى %39 عا جەتتى. تۇجىرىمدامادا بەلگىلەنگەن ماقساتتاردى ىسكە اسىرۋدىڭ ەڭ ءتيىمدى قۇرالدارىنىڭ ءبىرى - ونەركاسىپتىك جانە اۋىل شارۋاشىلىعى كاسىپورىندارىنىڭ قولجەتىمدى ەڭ وزىق تەحنيكالاردى قولدانۋى. 2021-2023 -جىلدار كەزەڭىندە ح ج ت ي ج و توپ-50 قاتارىنان ءىرى كاسىپورىنداردىڭ قىزمەتىن قامتيتىن وندىرىستىك پروتسەستەردە ءتيىمدى تەحنولوگيالاردى پايدالانۋ بويىنشا ونەركاسىپتىڭ ءارتۇرلى سالاسى ءۇشىن 16 انىقتامالىقتى جاساقتادى. 2027 -جىلعا دەيىن وڭدەۋ سالاسى، سۋمەن جابدىقتاۋ، قالدىقتاردى ۋتيليزاتسيالاۋ جانە مال شارۋاشىلىعى كومپانيالارى ءۇشىن تاعى 16 قۇجات ازىرلەۋ جوسپاردا بار.
«الەمدىك تاجىريبە كورسەتكەندەي، كوپتەگەن دامىعان ەلدەردە بيزنەستىڭ ءوزى سالالىق انىقتامالىقتاردى ازىرلەۋگە قاراجات سالۋعا مۇددەلى. وسىعان بايلانىستى ەكولوگيا جانە تابيعي رەسۋرستار مينيسترلىگى "اتامەكەن" پالاتاسىمەن، مۇددەلى سالالىق قاۋىمداستىقتارمەن جانە ۇيىمدارمەن بىرگە 2025- 2027 -جىلدارعا جوسپارلانعان انىقتامالىقتاردى ازىرلەۋ جونىندەگى ءىس-شارالاردى بىرلەسىپ قارجىلاندىرۋ ماسەلەسىن پىسىقتاۋى قاجەت»، - دەپ اتاپ ءوتتى ولجاس بەكتەنوۆ.
وتىرىس بارىسىندا «جاسىل» ەكونوميكاعا كوشۋ شەڭبەرىندە تەڭگەرىمدى اۋماقتىق دامۋعا كوپ كوڭىل بولىنەتىنى ايتىلدى. ماسەلەن، سولتۇستىك قازاقستان وبلىسى جاڭارتىلاتىن ەنەرگيانى پايدالانۋ بويىنشا وڭ ناتيجە كورسەتىپ وتىر. وڭىردە جالپى قۋاتى 70,3 م ۆ ت بولاتىن 174 ەنەرگيا كوزى جۇمىس ىستەيدى. بۇل رەتتە وسىمدىكتەن الىناتىن وتىن ەسەبىنەن بيوماسسامەن جۇمىس ىستەيتىن 125 قازاندىق ورناتىلىپ، 80 بيۋدجەتتىك مەكەمە ەنەرگيامەن قامتاماسىز ەتىلدى. بۇل شامامەن 260 ميلليون تەڭگەنى ۇنەمدەۋگە مۇمكىندىك بەرەدى. اقمولا وبلىسىندا وتكەن جىلدىڭ قورىتىندىسى بويىنشا كاسىپورىندار قالدىقتارىنىڭ كولەمى 2021 -جىلمەن سالىستىرعاندا %96 عا تومەندەدى. ءوڭىردىڭ ەلەكتر ەنەرگەتيكاسىنىڭ جالپى كولەمىندەگى «جاسىل» ەنەرگيانىڭ ۇلەسى %74 دى قۇرايدى. جامبىل وبلىسى سۋ رەسۋرستارىن ءتيىمدى پايدالانۋ قاجەتتىلىگىنە بايلانىستى 2025 -جىلعا دەيىن 257 سۋ نىسانىن جوندەۋ جوسپارلارى تۋرالى ەسەپ بەردى. قازىرگى تاڭدا وڭىرگە سۋارمالى سۋدىڭ نەگىزگى كولەمى تالاس جانە شۋ ترانسشەكارالىق وزەندەرىنەن كەلەدى.
ولجاس بەكتەنوۆ مەملەكەت باسشىسىنىڭ «جاسىل» ەكونوميكاعا كوشۋ جونىندەگى تۇجىرىمدامانى وزەكتەندىرۋ تۋرالى جاڭا جارلىعىندا اۋانىڭ لاستانۋىن تومەندەتۋ، ورگانيكالىق ءونىم ءوندىرىسىن ارتتىرۋ، سۋ ۇنەمدەۋ تەحنولوگيالارىن ەنگىزۋ بويىنشا وزەكتى نىسانالى كورسەتكىشتەر بەلگىلەنگەنىن اتاپ ءوتتى. «جاسىل» ەكونوميكاعا كوشۋ جونىندەگى جۇمىس بارلىق دەڭگەيدە جانداندىرىلۋى ءتيىس. پرەمەر-مينيستر اكىمدىكتەرگە مۇددەلى ورتالىق مەملەكەتتىك ورگاندارمەن بىرلەسىپ، جوسپار جوباسىندا «جاسىل» ەكونوميكا ينديكاتورلارىنا قول جەتكىزۋگە باعىتتالعان ءىس- شارالاردى قاراستىرۋدى تاپسىردى. الداعى ۋاقىتتا ءتيىستى نىسانالى كورسەتكىشتەردى وڭىرلىك دامۋ جوسپارلارىنا بىرىكتىرۋ قاجەت.
«ەكولوگيالىق جوبالاردى قارجىلىق قامتاماسىز ەتۋ ءۇشىن جاسىل كرەديتتەۋ جانە جاسىل وبليگاتسيالار شىعارۋ تەتىكتەرىن دامىتۋ قاجەت»، - دەدى پرەمەر- مينيستر. قويىلعان مىندەتتەردى ىسكە اسىرۋ ءۇشىن 2024-2030 -جىلدارعا ارنالعان ءتيىستى ءىس- شارالار جوسپارىنىڭ جوباسى ازىرلەنىپ جاتىر.
