ولجاس بەكتەنوۆ ج ە ك دامىتۋ ماسەلەلەرى جونىندەگى ەنەرگەتيكالىق كەڭەستىڭ وتىرىسىن وتكىزدى

استانا. KAZINFORM - پرەمەر-مينيستر ولجاس بەكتەنوۆ مەملەكەتتىك ورگاندار باسشىلىعى، ەنەرگەتيكا سەكتورى كومپانيالارى جانە ەنەرگەتيكا سالاسىنداعى ساراپشىلاردىڭ قاتىسۋىمەن جاڭارتىلاتىن ەنەرگيا كوزدەرىن (ج ە ك) دامىتۋ ماسەلەلەرىنە ارنالعان ەنەرگەتيكالىق كەڭەستىڭ وتىرىسىن وتكىزدى.

بۇل تۋرالى ۇكىمەتتىڭ باسپا ءسوز قىزمەتى ءمالىم ەتتى.

ەنەرگەتيكا مينيسترلىگىنىڭ مالىمەتىنشە، ەلىمىزدە بەلگىلەنگەن قۋاتى 3 گ ۆ ت- تان اساتىن 154 ج ە ك نىسانى جۇمىس ىستەيدى، بۇل - جەل، كۇن، گيدرو جانە بيوگاز ەلەكتر ستانسالارى. 2024-جىلى ج ە ك گەنەراتسياسى ساعاتىنا 7,6 ميلليارد ك ۆ ت- نى قۇرادى. 2025-جىلعا قۋاتى ساعاتىنا 450 ك ۆ ت- دان استام توعىز ج ە ك نىسانىن ىسكە قوسۋ جوسپارلانعان.

بۇل رەتتە، ەنەرگەتيكا ۆيتسە-ءمينيسترى سۇڭعات ەسىمحانوۆتىڭ بايانداماسىنا سايكەس، «جاسىل» ەنەرگەتيكانى دامىتۋ بويىنشا كورسەتكىشتەر بەلگىلەنگەن ماقساتتاردان اسىپ ءتۇستى. ەگەر 2020-جىلعا جوسپارلانعان باعدار ەلەكتر ەنەرگياسىن وندىرۋدە جالپى كولەمنىڭ %3 ىن قۇراسا، وندا 2024-جىلدىڭ قورىتىندىسى بويىنشا بۇل كورسەتكىش %6,4 عا جەتتى. وسىلايشا، «جاسىل» ەنەرگەتيكاعا كوشۋ تۇجىرىمداماسىندا بەكىتىلگەن ارالىق مىندەتتەرگە قول جەتكىزىلدى.

پرەمەر-مينيسترگە جەل، كۇن، گيدرو جانە بيوگاز ەنەرگەتيكاسىن قوسا العاندا، ج ە ك- ءتىڭ ءاربىر باعىتىنىڭ اعىمداعى جاي-كۇيى مەن دامۋ پەرسپەكتيۆالارى تۋرالى باياندالدى. اۋقىمدى جوبالاردى ىسكە اسىرۋ ءۇشىن حالىقارالىق ستراتەگيالىق ينۆەستور تارتۋ ماسەلەسىنە نازار اۋدارىلدى.

جالپى، 2030-جىلعا دەيىن جيىنتىق قۋاتى 2,3 گ ۆ ت بولاتىن 93 ج ە ك جوباسىن پايدالانۋعا بەرۋ جوسپارلانۋدا. 2035-جىلعا دەيىن ەلەكتر ەنەرگەتيكاسىن دامىتۋ جونىندەگى ءىس-شارالار جوسپارىندا كەمىندە 8,4 گ ۆ ت ج ە ك ەنگىزۋ كوزدەلگەن. 2024-2027-جىلدارى 6,7 گ ۆ ت- قا اۋكسيوندىق ساۋدا-ساتتىق وتكىزۋ بەكىتىلدى، ونىڭ 3,1 گ ۆ ت- تان استامى قازىردىڭ وزىندە بولىنگەن. 2025-جىلدىڭ ساۋىرىندە العاش رەت جەل گەنەراتسياسىنىڭ ءىرى جوبالارى بويىنشا اۋكتسيوندىق ساۋدا-ساتتىق وتكىزىلدى.

قازاقستاندا جەك سەكتورى جوسپارلى تۇردە دامىپ، مەملەكەت تاراپىنان بەلسەندى قولداۋ تابۋدا. بۇگىنگى تاڭدا جەك سەكتورىن قولداۋ شارالارى اۋكتسيوندىق باعا بويىنشا ەلەكتر ەنەرگياسىن كەپىلدەندىرىلگەن ساتىپ الۋدى، جىل سايىنعى يندەكستەۋدى، جەلىلىك الىمداردان بوساتۋدى جانە ينۆەستيتسيالىق پرەفەرەنتسيالاردى قامتيدى. بۇل قولايلى ينۆەستيتسيالىق ورتا قۇرۋعا، جاڭا جوبالاردى دامىتۋعا ىقپال ەتەدى ءارى جالپى ەنەرگيا تەڭگەرىمىندەگى «جاسىل» ەنەرگيا ۇلەسىنىڭ تۇراقتى ءوسۋىن قامتاماسىز ەتەدى.

وتىرىس قورىتىندىسى بويىنشا پرەمەر-مينيستر جەك جوبالارىن قولداۋدى كۇشەيتۋدى تاپسىردى. ولاردى ەنگىزۋ مەن ىسكە اسىرۋعا عىلىمي تۇرعىدان كوزقاراستىڭ قاجەتتىىگى ايتىلدى. اشىق جانە بولجامدى تاريفتىك ساياساتتىڭ ماڭىزدىلىعى، سونىمەن قاتار جەكە سەكتوردىڭ ج ە ك نىساندارىن سالۋ مەن پايدالانۋعا نەعۇرلىم كەڭ قاتىسۋى ءۇشىن جاعداي جاساۋدىڭ ماڭىزدىلىعى اتاپ ءوتىلدى. سونداي-اق ولجاس بەكتەنوۆ ينۆەستورلاردىڭ كەلۋىن جانە باستامالاردى ىسكە اسىرۋدى تەجەيتىن اكىمشىلىك كەدەرگىلەرگە جول بەرىلمەيتىنىن اتاپ كورسەتتى.