ولجاس بەكتەنوۆ اقمولا وبلىسىنىڭ ەگىنشىلەرىمەن كەزدەسىپ، ەگىس جۇمىستارىنىڭ بارىسىن تەكسەردى

Олжас Бектенов встретился с аграриями Акмолинской области
Фото: Правительство РК

كوكشەتاۋ. KAZINFORM - پرەمەر- مينيستر ولجاس بەكتەنوۆ جۇمىس ساپارىمەن اقمولا وبلىسىنا باردى. ۇكىمەت باسشىسى وڭىردەگى كوكتەمگى ەگىس جۇمىستارىنىڭ بارىسىن تەكسەردى، سونداي-اق اۋىل شارۋاشىلىعى تاۋارىن وندىرۋشىلەرىمەن كەزدەسىپ، ماكينسك قالاسىنداعى قۇس فابريكاسىنىڭ جۇمىسىن كوردى. بۇل تۋرالى ۇكىمەتتىڭ باسپا ءسوز قىزمەتى حابارلادى.

ۇكىمەت باسشىسى «جۋراۆليەۆكا-1» ج ش س- دەگى ەگىس ناۋقانىنىڭ بارىسىمەن تانىستى. قازىرگى تاڭدا شارۋاشىلىقتا ەگىستىك كەشەنى تۇقىممەن تولتىرىلىپ، مايلى داقىلداردى ەگۋ جۇمىستارى باستالدى. سەرىكتەستىك - بۇلاندى اۋدانىنداعى جەتەكشى اۋىل شارۋاشىلىعى قۇرىلىمدارىنىڭ ءبىرى. شارۋاشىلىق تۇقىممەن جانە جانار- جاعارمايمەن تولىق قامتاماسىز ەتىلگەن. بيىلعى جازدىق ەگىس القابى 88771 گەكتاردى قۇرايدى. كۇنباعىسقا باسا كوڭىل ءبولىنىپ وتىر: بۇل داقىلعا شامامەن 16 مىڭ گەكتارعا جۋىق جەر ءبولىندى، ونىڭ 4 مىڭعا جۋىق گەكتارىنا تۇقىم سەبىلدى. سونىمەن قاتار بيىل ەگىستىكتەردە سۇلى، بۇرشاق، زىعىر جانە راپس وسىرىلەدى. جالپى العاندا، وڭىردە كوكتەمگى دالا جۇمىستارى باستالىپ كەتتى: قازىرگى ۋاقىتتا 510 مىڭ گا القاپقا ەگىن ەگىلدى. مۇندا ۇكىمەت باسشىسىنىڭ نازارىنا ا. ي. بارايەۆ اتىنداعى استىق شارۋاشىلىعى عىلىمي-وندىرىستىك ورتالىعىنداعى سەلەكتسيا ناتيجەسىندە الىنعان مايلى، بۇرشاقتى، مال ازىقتىق داقىلداردىڭ سۇرىپتارى ۇسىنىلدى. مەكەمەدە بارلىعى 105 سۇرىپ دايىندالىپ، قازاقستاننىڭ مەملەكەتتىك تىزىلىمىنە ەنگىزىلدى، قازىرگى تاڭدا ءتۇپنۇسقا تۇقىم ءوندىرىسى 18 داقىل، 50 سۇرىپ بويىنشا جۇرگىزىلىپ جاتىر.

ولجاس بەكتەنوۆ عىلىمدى دامىتۋ جانە اۋىل شارۋاشىلىعى سالاسىنداعى جەتىستىكتەردى قولدانۋ قاجەتتىگىن اتاپ ءوتتى. ۇكىمەت باسشىسى جۇمىس ساپارى بارىسىندا وڭىردەگى ءىرى اۋىل شارۋاشىلىعى قۇرىلىمدارىنىڭ باسشىلارىمەن سالانى دامىتۋدىڭ وزەكتى ماسەلەلەرىن تالقىلادى. جۇمىرتقا، ءسۇت ونىمدەرى، قۇس ەتى، ۇن جانە مال ازىعىن وندىرەتىن «يجيەۆسكي» و ك باس ديرەكتورى تيمۋر جانگۋرازوۆ وتاندىق تىڭايتقىشتار ءوندىرىسىنىڭ كولەمىن ارتتىرۋ جونىندەگى ساۋالمەن جۇگىنسە، مايلى داقىلدار وسىرەتىن وبلىستىڭ ءىرى كاسىپورنى «جۋراۆليەۆكا-1» باس ديرەكتورى ارمان قۇدايبەرگەنوۆ ديزەل وتىنىن ەسەپتەۋ نورماتيۆتەرىن ارتتىرۋ قاجەتتىگىن ايتتى.

Олжас Бектенов встретился с аграриями Акмолинской области
Фото: Правительство РК

ءداندى، مايلى داقىلدار، ەتتى باعىتتاعى جىلقى جانە ءىرى قارا مال وسىرۋمەن اينالىساتىن «ەن- دالا» ج ش س ديرەكتورى تيمۋر پشەنوۆ اۋىل شارۋاشىلىعى تاۋارىن وندىرۋشىلەردى ينۆەستيتسيالىق سۋبسيديالاۋ باعدارلاماسىنا قاتىستى ساۋال جولدادى. ولجاس بەكتەنوۆ كوتەرىلگەن بارلىق ماسەلە بويىنشا جان-جاقتى ءتۇسىندىرىپ، اكىمدىك پەن ءتيىستى مينيسترلىكتەرگە اتالعان ماسەلەلەردى ەرەكشە باقىلاۋدا ۇستاۋدى، ونىڭ ىشىندە ج ج م ۋاقتىلى تيەپ-جونەلتۋ جانە شارۋاشىلىقتاردى سۋبسيديالار مەن جەڭىلدىكتى نەسيەلەر تۇرىندەگى مەملەكەتتىك قولداۋ شارالارىمەن بارىنشا قامتۋ جونىندە تاپسىرما بەردى. ماسەلەن، بيىل وبلىسقا ارزانداتىلعان باعامەن بارلىعى 83 مىڭ توننا ديزەل وتىنى ءبولىنىپ، ەگىن ەگۋ ناۋقانى كەزىندە ديقانداردىڭ قاجەتتىلىكتەرىن تولىق قامتاماسىز ەتەدى. بيىل وبلىس شارۋالارى توپىراققا شامامەن 258 مىڭ توننا مينەرالدى تىڭايتقىش ەنگىزۋدى جوسپارلاپ وتىر، بۇل وتكەن جىلعى كورسەتكىشپەن سالىستىرعاندا %57 عا ارتىق. بۇل رەتتە، پرەمەر- مينيستر وتاندىق تىڭايتقىشتاردى ساتۋدىڭ باسىم باعىتى ىشكى نارىق ەكەنىن اتاپ ءوتتى.

посевная
Фото: Правительство РК

«مەملەكەت باسشىسىنىڭ تاپسىرماسى بويىنشا بيىل ءبىز اگروونەركاسىپ كەشەنىن قارجىلاندىرۋ كولەمىن ۇلعايتتىق. ەندىگى ءبىزدىڭ ورتاق مىندەتىمىز - كوكتەمگى ەگىستى ءتيىستى مەرزىمىندە ءارى ساپالى وتكىزۋ. ازىق-تۇلىك قاۋىپسىزدىگى مەن ەكسپورتتىق الەۋەت وسىعان تىكەلەي بايلانىستى. ۇكىمەت تاراپىنان بارلىق قولداۋ شارالارى كورسەتىلىپ جاتىر. پروبلەمالىق ماسەلەلەر بويىنشا اكىمدىك پەن جاۋاپتى مينيسترلىكتى جەدەل حاباردار ەتۋ قاجەت»، - دەپ اتاپ ءوتتى پرەمەر- مينيستر ولجاس بەكتەنوۆ.

Олжас Бектенов встретился с аграриями Акмолинской области
Фото: Правительство РК
سوڭعى جاڭالىقتار