ولجاس بەكتەنوۆ اقمولا وبلىسىنداعى قۇس فابريكاسىنىڭ وندىرىستىك پروتسەسىمەن تانىستى
كوكشەتاۋ. KAZINFORM - جۇمىس ساپارى بارىسىندا پرەمەر- مينيستر بۇلاندى اۋدانىنداعى ماكينسك قۇس فابريكاسىنىڭ وندىرىستىك پروتسەسىمەن، سونداي-اق قۋاتتىلىقتى ودان ءارى ارتتىرۋ جوسپارلارىمەن تانىستى، دەپ حابارلادى ۇكىمەتتىڭ باسپا ءسوز قىزمەتى.
وسى جىلدىڭ باسىنان بەرى قۇس فابريكاسى 18,6 ميلليارد تەڭگەگە 18,7 مىڭ توننا ەت ءوندىردى. تسەحتاردى ارالاۋ كەزىندە الەمدىك وندىرۋشىلەردىڭ جابدىقتارىن قولدانا وتىرىپ، ينكۋباتسيالاۋ، ءوسىرۋ، سويۋ جانە قالدىقتاردى قايتا وڭدەۋ سالاسىنداعى زاماناۋي تەحنولوگيالارعا نازار اۋدارىلدى. ماكينسك قۇس فابريكاسى قۇس ەتىن ىشكى نارىققا تۇراقتى تۇردە جەتكىزىپ وتىرۋعا مۇمكىندىك بەرەدى، سونداي- اق ءونىمدى قىرعىزستان، وزبەكستان مەن رەسەيگە ەكسپورتتايدى.
«ۇكىمەت مەملەكەت باسشىسىنىڭ العا قويعان اوك- تەگى قايتا وڭدەلگەن ءونىمنىڭ ۇلەسىن ۇلعايتۋ جانە ونى %70 عا دەيىن جەتكىزۋ جونىندەگى مىندەتى اياسىندا جۇمىس ىستەپ جاتىر. تەرەڭ وڭدەۋدى دامىتۋ، جۇمىس ىستەپ تۇرعان ءوندىرىس ورىندارىن قولداۋ جانە جاڭا كاسىپورىندار اشۋعا جاعداي جاساۋ ماسەلەلەرىنە باسىمدىق بەرىلەدى. وتاندىق ونىمدەر ءبىزدىڭ نارىق سۇرانىسىن قاناعاتتاندىرىپ قانا قويماي، شەتەلدە دە لايىقتى باسەكەگە تۇسە الۋى كەرەك. جاڭا تەحنولوگيالاردى ينتەگراتسيالاۋ ماڭىزدى، بۇل ونىمدىلىكتى ارتتىرىپ، ساپاعا تىكەلەي اسەر ەتەدى»، - دەگەن ولجاس بەكتەنوۆ بۇل ءۇشىن مەملەكەت تاراپىنان قاجەتتى قولداۋ كورسەتىلەتىنىن باسا ايتتى.
بۇگىنگى تاڭدا ماكينسك قۇس فابريكاسىنان بولەك، وسكەمەندە ءوز وندىرىسىندەگى قۇس ەتىنەن شۇجىق ونىمدەرى مەن دەليكاتەستەر شىعاراتىن زاۋىت جۇمىس ىستەيدى. سونداي-اق ۇكىمەت باسشىسىنا الماتى وبلىسىنىڭ جامبىل جانە قاراساي اۋداندارىنىڭ اۋماعىندا وندىرىستىك قۋاتى 240 مىڭ توننانى قۇرايتىن قۇس فابريكاسىن اشۋ جوسپارى تۋرالى باياندالدى. جوبا ت م د- داعى ەڭ ءىرى جوبا بولادى دەپ جوسپارلانىپ وتىر. قۇرىلىستى كەلەسى جىلى باستاۋ كوزدەلگەن. جالپى العاندا، قۋاتتىلىقتى ارتتىرۋ ەلدىڭ قۇس ەتىنە دەگەن ىشكى قاجەتتىلىگىن تولىق جابۋ ارقىلى ازىق- تۇلىك قاۋىپسىزدىگىن نىعايتۋعا، سونداي- اق ەكسپورتتىق الەۋەتتى ارتتىرۋعا مۇمكىندىك بەرەدى. بۇدان وزگە، الماتى وبلىسىندا 100 مىڭ تونناعا قۇس ەتىن تەرەڭ وڭدەۋ زاۋىتىن سالۋ جوسپاردا بار.
بيىل ءوڭىردىڭ ازىق-تۇلىك ونەركاسىبى كاسىپورىندارى 52,6 ميلليارد تەڭگەنىڭ ءونىمىن ءوندىردى، بۇل وتكەن جىلدىڭ سايكەس كەزەڭىمەن سالىستىرعاندا %104,3 دى قۇرادى. 2024-2026-جىلدارى جالپى قۇنى 123,6 ميلليارد تەڭگەنى قۇرايتىن 74 ءىرى ينۆەستيتسيالىق جوبانى ىسكە قوسۋ جوسپاردا بار. پرەمەر-مينيستر جوبالاردىڭ ۋاقتىلى ىسكە اسىرىلۋىن ەرەكشە باقىلاۋدا ۇستاۋدى تاپسىردى.
