پولشا يادرولىق قارۋعا يە بولعىسى كەلەدى

استانا. KAZINFORM - پولشا پرەمەر- ءمينيسترى دونالد تۋسك ەلدەگى بارلىق ەر ادامدار ءۇشىن اسكەري دايىندىقتى مىندەتتى ەتۋ بويىنشا جۇمىس ىستەپ جاتقانىن مالىمدەدى. 

بۇل تۋرالى ول پولشا پارلامەنتىندە رەسەي تاراپىنان قاۋىپ ءتونىپ تۇرعان كەزدە ەل قاۋىپسىزدىگىن قامتاماسىز ەتۋگە باعىتتالعان باسقا دا شارالار كەشەنى تۋرالى ايتقاندا مالىمدەدى، دەپ حابارلايدى BBC.
- وسى جىلدىڭ سوڭىنا دەيىن ءبىز پولشاداعى سوعىس جاعدايىندا ءاربىر ەرەسەك ەر ازاماتتىڭ اسكەري دايارلىعىن قامتاماسىز ەتەتىن ۇلگىنى دايىنداۋعا تىرىسامىز، ال قالىپتاسقان رەزەرۆ ىقتيمال قاۋىپتەرگە سايكەس كەلەدى، - دەدى تۋسك سەيمدە سويلەگەن سوزىندە.

دونالد تۋسك اتاپ وتكەندەي، قازىرگى ۋاقىتتا ۋكراينا ارمياسىنىڭ سانى 800 مىڭ، ال رەسەي ارمياسىندا 1,3 ميلليونعا جۋىق سارباز بار. پولياك ارمياسى، ونىڭ ىشىندە رەزەرۆشىلەر شامامەن 200 مىڭنان 500 مىڭ ادامعا دەيىن ۇلعايۋى كەرەك.

- ەگەر ءبىز ءبارىن ساۋاتتى ۇيىمداستىرساق جانە مەن قورعانىس مينيسترىمەن ۇنەمى كەڭەسىپ ءجۇرمىن - ارەكەت ەتۋدىڭ بىرنەشە نۇسقاسىن قولدانۋعا تۋرا كەلەدى. بۇل رەزەرۆشىلەردى جۇمىلدىرۋ، سونداي-اق اسكەرگە بارمايتىندار قاقتىعىس كەزىندە تولىققاندى جانە ساۋاتتى ساربازعا اينالۋى ءۇشىن قارقىندى دايىندىق جۇرگىزۋ دەگەندى بىلدىرەدى، - دەدى پرەمەر- مينيستر.

تۋسك ايەلدەردىڭ دە اسكەري دايىندىقتان ءوتۋى مۇمكىن، ءبىراق «سوعىس ءالى دە نەگىزىنەن ەرلەردىڭ ءىسى» ەكەنىن اتاپ ءوتتى.

پرەمەر- ءمينيستردىڭ اتاپ وتۋىنشە، ونىڭ ۇكىمەتى فرانسيانىڭ ونىڭ يادرولىق قولشاتىرىن بۇكىل ەۋروپا بويىنشا كەڭەيتۋ تۋرالى ۇسىنىسىن مۇقيات قاراپ جاتقانىن مالىمدەدى.

- مەن، ەڭ الدىمەن، بۇل قارۋ- جاراققا قاتىستى بيلىك تۇرعىسىنان نەنى بىلدىرەتىنىن ەگجەي- تەگجەيلى بىلگىم كەلەدى، - دەدى ول.

تۋسك ۋكراينانىڭ يادرولىق ارسەنالىنان باس تارتقاننان كەيىن شابۋىلعا ۇشىراعانىن اتاپ ءوتىپ، ۆارشاۆانىڭ بولاشاعى قانشالىقتى الىس بولسا دا ءوزىنىڭ يادرولىق قارۋىنا يە بولعىسى كەلەتىنىن قوسىپ ءوتتى.

- بۇگىندە ءوزىمىزدىڭ يادرولىق ارسەنالىمىز بولسا، ءقاۋىپسىز بولاتىنىمىز انىق، بۇعان ەش كۇمان جوق. قالاي بولعاندا دا، بۇعان جول وتە ۇزاق بولادى، ول ءۇشىن ورتاق پىكىرگە كەلۋ قاجەت، - دەدى ول.

بيىل پولشا ءوزىنىڭ ىشكى جالپى ءونىمىنىڭ 4,7 پايىزىن قورعانىسقا جۇمساۋدى جوسپارلاپ وتىر، بۇل - ناتو- داعى ەڭ جوعارى كورسەتكىش.

تۋسك پارلامەنتتە شىعىنداردى  ج ءى ءو- ءنىڭ %5 ىگا دەيىن ارتتىرۋ كەرەكتىگىن ايتتى.

بىلتىر پولشا مەكتەپتەرىندە وقۋشىلارعا اتىس قارۋىن مەڭگەرۋ مىندەتتەلگەن.