پولشا مەكتەپتەرىندە وقۋشىلارعا اتىس قارۋىن مەڭگەرۋ مىندەتتەلدى
استانا. KAZINFORM - پولشادا مەكتەپ باعدارلاماسىنا العاشقى اسكەري دايىندىق ساباقتارى ەنگىزىلدى، ونىڭ ىشىندە اتىس قارۋىن ۇستاۋ مەن العاشقى مەديتسينالىق كومەك كورسەتۋدى ۇيرەتۋ بار، دەپ حابارلايدى Kazinform Euronews كە سىلتەمە جاساپ.
ەندى 14 جاستان اسقان بالالار ارنايى پاندە اسكەري شابۋىلدان قورعانىپ، تاكتيكالىق قۇتقارۋدىڭ نەگىزى بولاتىن «اتۋ داعدىلارىن» قالىپتاستىراتىن بولادى. ولار باعدارلاما اياسىندا قارۋدى شاشىپ- جيناۋدى ۇيرەنەدى سونداي-اق نىسانانى كوزدەۋ ارقىلى اتۋدى مەڭگەرەدى. بالالاردىڭ قاۋىپسىزدىگى ءۇشىن جاتتىعۋ وتەتىن زالدا جاۋىنگەرلىك وقتىڭ ورنىنا لازەرلىك ساۋلەلەر قولدانىلادى.
— «قاۋىپسىزدىككە ۇيرەتۋ» ءپانى باستاۋىش مەكتەپتىڭ 8-سىنىبىندا، ال جالپى ءبىلىم بەرەتىن مەكتەپتىڭ 1-سىنىبىندا 14 پەن 16 جاس ارالىعىنداعى بالالار ءۇشىن مىندەتتى ءپان. اپتاسىنا ءبىر ساعات ارنالىپ وتىر.
سونىمەن قاتار باستاۋىش سىنىپتار ءۇشىن اسكەري اسپەكت بويىنشا كيبەرقاۋىپسىزدىكتى مەڭگەرۋ مىندەتتەلگەن. ال، ورتا ءبىلىم بەرەتىن مەكتەپتەردە وقۋشىلار سوعىس جاعدايىندا تونگەن قاۋىپكە قانداي رەاكسيا ءبىلدىرۋ كەرەگىن، اسكەري اسپەكت بويىنشا كيبەرقاۋىپسىزدىكتى مەڭگەرۋ، اتۋ جاتتىعۋىنا قاتىسۋ مىندەتتەلگەن.
